గోదావరిఖని, వెలుగు : రామగుండం పోలీస్ కమిషనర్గా అంబర్ కిషోర్ ఝాను నియమిస్తూ రాష్ట్ర ప్రభుత్వ చీఫ్ సెక్రటరీ శాంతికుమారి శుక్రవారం ఉత్తర్వులు జారీ చేశారు. ఇప్పటి వరకు రామగుండం కమిషనర్గా వ్యవహరించిన ఎం.శ్రీనివాస్ను హైదరాబాద్ సీఐడీ విభాగం ఐజీగా బదిలీ చేశారు. పెద్దపల్లి డీసీపీగా పనిచేసిన డాక్టర్ చేతనను హైదరాబాద్ ఉమెన్ సేప్టీ వింగ్ ఎస్పీగా బదిలీ చేశారు.
ఆమె స్థానంలో పోస్టింగ్ కోసం వెయిటింగ్లో ఉన్న నాన్ క్యాడర్ ఆఫీసర్ పి. కరుణాకర్ను పెద్దపల్లి డీసీపీగా నియమించారు. రామగుండం పోలీస్ కమిషనరేట్ పరిధిలోని మంచిర్యాల డీసీపీగా పోస్టింగ్ కోసం వెయిటింగ్లో ఉన్న నాన్ క్యాడర్ ఆఫీసర్ ఎ.భాస్కర్ను నియమిస్తూ ఉత్తర్వులు జారీ చేశారు.
