న్యూఢిల్లీ: ఇరాన్ లేదా దాని మద్దతు సంస్థ లు ఇజ్రాయెల్పై ఏ క్షణమైనా అటాక్ చేసే ప్రమాదం ఉందని అమెరికా హెచ్చరించింది. ఈ వారంలో దాడి జరిగే అవకాశాలు ఎక్కువని ఇంటెలిజెన్స్ శాఖ నివేదికలో పేర్కొందని వైట్ హౌస్ ప్రతినిధి జాన్ ఎఫ్ కిర్బీ తెలిపారు. హమాస్ చీఫ్ హనియా, హిజ్బుల్లా కమాండర్ ఫువాద్ను ఇజ్రాయెల్ చంపేసింది.
ఈ హత్యలకు ఇజ్రాయెల్పై ప్రతీకారం తీర్చుకుంటామని ఇరాన్ హెచ్చరించింది. ఇజ్రాయెల్పై ఇరాన్ ఎప్పుడైనా దాడి చేయవచ్చనే అంచనాలతో మిడిల్ ఈస్ట్ నివురుగప్పిన నిప్పులా ఉంది. ఈ నేపథ్యంలో అమెరికా, యూకే, ఫ్రాన్స్, జర్మనీ, ఇటలీ నేతలు కలసి ఇజ్రాయెల్పై దాడి చేయవద్దని.. ఓర్పు వహించాలని ఇరాన్ను కోరారు.
