మెల్‌‌‌‌‌‌‌‌బోర్న్‌ : ఆస్ట్రేలియన్ ఓపెన్‌‌‌‌‌‌‌‌లో విజేతగా నిలిచిన అమెరికా టెన్నిస్ స్టార్ మాడిసన్ కీస్ కెరీర్ బెస్ట్ ఏడో ర్యాంక్ అందుకుంది. సోమవారం విడుదలైన డబ్ల్యూటీఏ తాజా ర్యాంకింగ్స్‌‌‌‌‌‌‌‌లో కీస్ 14 నుంచి ఏడో ర్యాంక్‌‌‌‌‌‌‌‌కు చేరుకుంది. ఫైనల్లో ఓడినప్పటికీ సబలెంకా తన టాప్ ర్యాంక్‌‌‌‌‌‌‌‌ను నిలబెట్టుకోగా.. ఇగా స్వైటెక్ రెండో ర్యాంక్‌‌‌‌‌‌‌‌లోనూ మార్పు లేదు. అమెరికా ప్లేయర్లు కోకో గాఫ్ (3), జెస్పికా పెగులా (6), ఎమ్మా నవారో (9) టాప్–10లో చోటు దక్కించుకున్నారు.
మరోవైపు వరుసగా రెండోసారి ఆస్ట్రేలియన్ ఓపెన్‌ మెన్స్ సింగిల్స్‌ టైటిల్ నెగ్గిన ఇటలీ స్టార్ జానిక్ సినర్‌ ఏటీపీ ర్యాంకింగ్స్‌‌‌‌‌‌‌‌లో టాప్ ర్యాంక్ నిలబెట్టుకున్నాడు. ఈ టోర్నీలో రన్నరప్‌‌‌‌‌‌‌‌గా నిలిచిన అలెగ్జాండర్ జ్వెరెవ్‌, కార్లోస్ అల్కరాజ్‌, టేలర్ ఫ్రిట్జ్‌ వరుసగా 2,3,4వ స్థానాల్లో నిలిచారు. గాయం కారణంగా సెమీఫైనల్ మధ్యలో తప్పుకున్న సెర్బియా లెజెండ్ నొవాక్ జొకోవిచ్‌ ఏడు నుంచి ఆరో ప్లేస్‌‌‌‌‌‌‌‌కు చేరుకున్నాడు.
ఇండియా ప్లేయర్ సుమిత్ నాగల్‌ పది నెలల తర్వాత టాప్–100లో చోటు కోల్పోయాడు. 16 స్థానాలు దిగజారి106వ ర్యాంక్‌‌‌‌‌‌‌‌కు పడిపోయాడు. మెన్స్ డబుల్స్‌ లో లెజెండరీ ప్లేయర్ రోహన్ బోపన్న 2022 అక్టోబర్ తర్వాత తొలిసారి టాప్–20లో ప్లేస్ కోల్పోయాడు. ఐదు స్థానాలు పడిపోయి 21వ స్థానంలో నిలిచాడు.
