కార్లలో లాంగ్ డ్రైవ్లు చేస్తున్నప్పుడు టైర్లలో గాలి తగ్గిపోతూ ఉంటుంది. అది గమనించకుండా అలాగే డ్రైవ్ చేస్తే పంక్చర్ అయ్యే ప్రమాదం ఉంది. పైగా ట్యూబ్లెస్ టైర్లకు పంక్చర్ పడిన వెంటనే గుర్తించడం కూడా కష్టమే. కాబట్టి ఎప్పటికప్పుడు టైర్ ప్రెజర్ చెక్ చేస్తుండాలి. అలాగని.. ప్రతిసారి కారు దిగి ప్రెజర్ చూడాలన్నా ఇబ్బందే. అందుకే ఇలాంటి ఆటోమెటిక్ టైర్ ప్రెజర్ మానిటర్ సిస్టమ్ని వాడితే సరిపోతుంది. దీన్ని ఏఎంఐసీ ఆటో అనే కంపెనీ తీసుకొచ్చింది. ప్యాక్లో మానిటర్తోపాటు నాలుగు సెన్సర్లు ఉంటాయి. వాటిని టైర్ల వాల్వ్‌‌లకు బిగించాలి.
మానిటర్ని కారులో ఎక్కడైనా ఫిక్స్ చేసుకోవచ్చు. దానికి ఉండే ఎల్సీడీ డిస్ప్లేలో నాలుగు టైర్ల ప్రెజర్, టెంపరేచర్ చూపిస్తుంటుంది. ప్రెజర్ ఎక్కువైనా, గాలి లీకవుతున్నా, టెంపరేచర్ పెరిగినా, సెన్సర్లోని బ్యాటరీలో పవర్ తగ్గినా అలారం వస్తుంది. మానిటర్ని యూఎస్బీతో ఛార్జ్ చేసుకోవచ్చు. లేదంటే.. సోలార్తో కూడా ఛార్జ్ అవుతుంది. టైర్ సెన్సర్లలో CR1632 కాయిన్ బ్యాటరీలు వేయాల్సి ఉంటుంది. అవి 24 నుండి 36 నెలల వరకు పనిచేస్తాయి. ఇన్స్టాలేషన్ కూడా చాలా ఈజీగా చేసుకోవచ్చు.
ధర : 3,726 రూపాయలు
