బెంగాల్ బీర్భూమ్ జిల్లాలో విషాదం
కోల్కతా: బెంగాల్లో విషాదం చోటు చేసుకుంది. సోమవారం బీర్భూమ్ జిల్లాలోని ఓ బొగ్గు గనిలో భారీ పేలుడు సంభవించింది. ఈ ఘటనలో ఏడుగురు ప్రాణాలు కోల్పోయారు. మరికొందరికి తీవ్ర గాయాలయ్యాయి. గంగారామ్‌ చక్ మైనింగ్ ప్రైవేట్ లిమిటెడ్కు చెందిన బొగ్గు గని వద్దకు ట్రక్కులో డిటోనేటర్లను రవాణా చేస్తుండగా ఈ ఘటన జరిగింది. ఈ పేలుడు ధాటికి ఏడుగురు ప్రాణాలు కోల్పోయారు.
రెస్క్యూ సిబ్బంది మృతదేహాలను వెలికితీశారు. గాయపడ్డ వారిని సమీపంలోని ఆస్పత్రికి తరలించారు. ముందస్తు జాగ్రత్తలు తీసుకోకుండా ట్రక్కు నుంచి డిటోనేటర్లు అన్లోడ్ చేయడంతో ప్రమాదం జరిగిందని చెప్పారు. పేలుడు సంభవించడానికి గల కారణాలను తెలుసుకోవడానికి దర్యాప్తును ప్రారంభించామని అధికారులు పేర్కొన్నారు.
