- ఒడిశాలోని పూరి లోక్సభ స్థానం నుంచి తప్పుకున్న సుచిత్ర మొహంతి
భువనేశ్వర్: లోక్సభ ఎన్నికల్లోనే ఒడిశాలోని పూరి లోక్సభ స్థానంలో ఓ ఆసక్తికర ఘటన చోటుచేసుకున్నది. ఎన్నికల ప్రచారానికి తన వద్ద డబ్బుల్లేవని, పార్టీ నుంచి ఫండ్ కూడా అందలేదని చెబుతూ కాంగ్రెస్ అభ్యర్థి సుచిత్ర మొహంతి ఎన్నికల బరి నుంచి తప్పుకున్నారు. పార్టీ టికెట్ తిరిగిచ్చేశారు. సుచిత్ర మొహంతి మాజీ ఎంపీ బ్రజమోహన్ మొహంతి కూతురు.. డబ్బుల్లేక తన ప్రచారం తీవ్రంగా దెబ్బతిన్నదని పేర్కొంటూ ఏఐసీసీ జనరల్ సెక్రటరీ కేసీ వేణుగోపాల్కు సుచిత్ర మెయిల్ చేశారు.
తన సొంత నిధులతోనే ప్రచారం చేసుకోవాలని ఒడిశా కాంగ్రెస్ ఇన్చార్జి అజొయ్కుమార్ఒత్తిడి తెస్తున్నట్టు ఆరోపించారు. ‘నేను ప్రొఫెషనల్ జర్నలిస్టును. పదేండ్ల కిందట పాలిటిక్స్లోకి వచ్చాను. పురీలో ప్రచారానికి నా దగ్గర ఉన్నదంతా ఇచ్చాను. ప్రజలనుంచి విరాళాలు స్వీకరించే ప్రయత్నం చేసినా పెద్దగా ఉపయోగంలేకుండా పోయింది. ప్రచార ఖర్చులు తగ్గించుకునేందుకు ప్రయత్నించినా.. ఇబ్బందులు ఎదురవుతున్నాయి’ అని సుచిత్ర పేర్కొన్నారు.
