మల్లేశం, వకీల్‌సాబ్‌ సినిమాలతో మంచి గుర్తింపు తెచ్చుకున్న నటి అనన్య నాగళ్ల(Ananya) లీడ్ రోల్‌‌లో శ్రీనివాస్ గోపిశెట్టి దర్శకత్వం వహిస్తున్న చిత్రం ‘తంత్ర’(Tantra). శ్రీహరి తమ్ముడి కొడుకు ధనుష్ రఘుముద్రి కీలక పాత్ర పోషిస్తుండగా, సలోని రీ ఎంట్రీ ఇస్తోంది. పి.నరేష్ బాబు, రవి చైతన్య నిర్మిస్తున్నారు. ఈ మూవీ మార్చి 15న రిలీజ్ కాబోతుంది.
లేటెస్ట్గా హారర్ మూవీ తంత్రకు సెన్సార్ “ఏ” స‌ర్టిఫికెట్ జారీ చేసింది. మా సినిమాకి పిల్లబచ్చాలు రావొద్దు. ఎందుకుంటే మాది ఏ సినిమా అంటూ డిఫరెంట్ యాంగిల్ లో పోస్టర్ రిలీజ్ చేశారు మేకర్స్. ఈ పోస్టర్ లో A లెట‌ర్‌ను హైలెట్ చేస్తూ..చుట్టూ భయపెట్టే తల పుర్రెలు దాన్ని అంటి ఉండే బంధనంతో పోస్టర్ ఆసక్తి పెంచుతోంది.
హారర్ ఎలిమెంట్స్‌తో రాబోతున్న తంత్ర మూవీ స్టార్టింగ్ నుంచి ఎండింగ్ వరకు థ్రిల్ క‌లిగిస్తుంద‌ని, సినిమాలోని చాలా సీన్స్ భ‌య‌పెడ‌తాయ‌ని, చిన్న పిల్ల‌లు ఈ సినిమాకు రావ‌ద్ద‌ని హెచ్చ‌రించ‌డానికే ఈ పోస్ట‌ర్‌ను రిలీజ్ చేసిన‌ట్లు మేకర్స్ ప్ర‌క‌టించారు. అలాగే ఈ పోస్టర్ లో అనన్య నాగళ్ల లంగా వోణీ ధ‌రించి ట్రెడిష‌న‌ల్ లుక్‌లో క‌నిపిస్తోంది.
ఈ సినిమా కథ విషయానికి వస్తే..తాంత్రిక శాస్త్రంలో ఊహ‌కు అంద‌ని ఎన్నో ర‌హ‌స్యాలున్నాయ‌నే పాయింట్‌తో డైరెక్టర్ శ్రీనివాస్ గోపిశెట్టి తంత్ర సినిమాను తెర‌కెక్కిస్తోన్నట్లు తెలుస్తోంది. ప‌ల్లెటూళ్ల‌లో క్షుద్ర‌పూజ‌లు, చేత‌బ‌డులు ఎలా ఉంటాయ‌న్న‌ది ఈ సినిమాలో ఆసక్తిగా చూపించ‌బోతున్నారు.
Note:'A' సర్టిఫికేట్: ఈ సర్టిఫికేట్ పొందిన సినిమాలను 18 సంవత్సరాలు పైబడిన పెద్దలు మాత్రమే చూడాలి. ఈ సినిమాల్లో ఎక్కువ హింసాత్మక దృశ్యాలు, పూర్తి నగ్నత్వం, దూషించే భాష అన్నీ ఉంటాయి.
