ప్రస్తుతం ఉన్న పరిస్థులల్లో సినిమా చేయడం కంటే.. ఆ సినిమాను జనాల్లోకి తీసుకెళ్లడం కోసం చిత్ర విచిత్రమైన ప్రయత్నాలు చేస్తున్నారు మేకర్స్. వాటి కోసం కొంత మంది ప్రాంక్స్ చేస్తుంటే.. మరి కొందరేమో వైరల్ అయ్యేలా వీడియోలను చేస్తున్నారు. తాజాగా మరో సినిమా కోసం కూడా మేకర్స్ ఇదే ప్లాన్ ను వర్కౌట్ చేశారు.
కేరింత ఫేమ్ పార్వతీశం హీరోగా వస్తున్న లేటెస్ట్ మూవీ మార్కెట్ మహాలక్ష్మి. కొత్త దర్శకుడు వీఎస్ ముఖేష్ తెరకెక్కిస్తున్న ఈ సినిమాలో ప్రణీకాన్వికా హీరోయిన్‌గా నటిస్తుండగా.. హర్ష వర్ధన్, ముక్కు అవినాష్, మహబూబ్ ప్రధాన పాత్రల్లో నటిస్తున్నారు. ఇప్పటికే షూటింగ్ కంప్లీట్ చేసుకున్న ఈ సినిమా మార్చ్ 29న ప్రేక్షకుల ముందుకు రానుంది. ఇందులో భాగంగా ప్రమోషన్స్ పనుల్లో వేగం పెంచారు మేకర్స్.
Why did Anchor #Sreemukhi slap Hero #Paravateesam? Promo out now! Don’t miss the full interview tomorrow!
— Mukesh G (@MukeshG39549544) March 21, 2024
మార్కెట్ మహాలక్ష్మి మజాక్ లాడితే మంచిగుండదు!! 🔥#MM #MarketMahalakshmi @VSMukkhesh31 @Akhileshkalaru @parvateesam_u #Praneekaanvikaa #B2PStudios @vickyvenki1 pic.twitter.com/jOIp954dAo
అందుకోసం యాంకర్ శ్రీముఖితో ఇంటర్వ్యూని ప్లాన్ చేశారు. ఈ ఇంటర్వ్యూకి సంబందించిన ప్రోమో ఇప్పుడు సోషల్ మీడియాలో వైరల్ గా మారింది. కారణం ఈ ఇంటర్వ్యూలోనే శ్రీముఖి దగ్గరకు హీరో వచ్చి.. మీరంటే నాకు ఇష్టమండి.. ఐ లవ్ యూ అని చెప్తాడు.. దానికి శ్రీముఖి పార్వతీశంను లాగిపెట్టి కొట్టి.. మార్కెట్ మహాలక్ష్మీ ఇక్కడ.. మజాక్ లాడితే మంచిగుండదు.. అని మాస్ డైలాగ్ చెప్తుంది. దీంతో హీరోని కొట్టిన యాంకర్ అంటూ ఈ వీడియో వైరల్ గా మారింది. ప్రమోషన్స్ లో భాగంగా చేసిన ఈ వీడియోకి కూడా సోషల్ మీడియాలో మంచి రెస్పాన్స్ వస్తోంది.
