ఏపీలో అన్న క్యాంటీన్లను తిరిగి ప్రారంభిస్తోంది కూటమి సర్కార్. ఆగస్టు 15న అన్న క్యాంటీన్లను ప్రారంభించేందుకు సిద్ధమైంది చంద్రబాబు సర్కారు. ఈ క్యాంటీన్ల ద్వారా పేదలకు రూ.5 కే భోజనం అందించనుంది ప్రభుత్వం. రాష్ట్రవ్యాప్తంగా ఉన్న 203 అన్న క్యాంటీన్లలో ఇప్పటికే 180 క్యాంటీన్లు సిద్దమైనట్లు సమాచారం.
ముందుగా 100క్యాంటీన్లకు భోజనం సరఫరా మొదలు పెట్టి ఆ తర్వాత ఆగస్టు నెలాఖరు లేదా సెప్టెంబర్ 5న మిగిలిన క్యాంటీన్లకు కూడా భోజనం సరఫరా చేయనున్నారు. ఈ మేరకు ఆహార తయారీ, సరఫరాకు సంబంధించిన కాంట్రాక్టును హరే కృష్ణ మూవ్మెంట్స్ సంస్థ దక్కించుకుంది. గురువారం ( ఆగస్టు 15 )నాడు సీఎం చంద్రబాబు కృష్ణా జిల్లా గుడివాడలో అన్న క్యాంటీన్ ను ప్రారంభించనున్నారు.
అన్న క్యాంటీన్లలో ఉదయం టిఫిన్, మధ్యాహ్నం లంచ్, రాత్రి డిన్నర్ అందుబాటులో ఉండనుంది. ఇందుకు సంబంధించిన మెనూ కూడా విడుదలయ్యింది.
#AnnaCanteen Timings
— Hari Pranay (@HariPranay4) August 14, 2024
Breakfast - 7:30am to 10am
Lunch - 12:30Pm to 3pm
Dinner - 7:30pm to 10pm
Closed on Sundays
Breakfast/lunch/dinner - 5/- #AndhraPradesh #ChandrababuNaidu #AnnaCanteens pic.twitter.com/xH2hcUmtkq
అన్న క్యాంటీన్లలో రోజువారీ మెనూ:
సోమవారం: టిఫిన్ - ఇడ్లీ, చట్నీ/పొడి, సాంబార్ లేదా పూరి, కుర్మా. లంచ్ / డిన్నర్ - వైట్ రైస్, కూర, పప్పు/సాంబార్, పెరుగు, పచ్చడి
మంగళవారం: టిఫిన్ - ఇడ్లీ, చట్నీ/పొడి, సాంబార్ లేదా ఉప్మా, చట్నీ/పొడి, సాంబార్, మిక్చర్. లంచ్ / డిన్నర్ - వైట్ రైస్, కూర, పప్పు, సాంబార్, పెరుగు, పచ్చడి
బుధవారం : టిఫిన్ - ఇడ్లీ, చట్నీ/పొడి, సాంబార్ లేదా పొంగల్, చట్నీ/పొడి, సాంబార్, మిక్చర్. లంచ్ / డిన్నర్ - వైట్ రైస్, కూర, పప్పు/సాంబార్, పెరుగు పచ్చడి.
గురువారం : టిఫిన్ - ఇడ్లీ, చట్నీ/పొడి, సాంబార్ లేదా పూరి, కుర్మా. లంచ్ / డిన్నర్ - వైట్ రైస్, కూర, పప్పు/సాంబారు, పెరుగు, పచ్చడి.
శుక్రవారం : టిఫిన్ - ఇడ్లీ, చట్నీ/పొడి, సాంబార్ లేదా ఉప్మా, చట్నీ/పొడి, సాంబారు, మిక్చర్. డిన్నర్ / లంచ్ - వైట్ రైస్, కూర, పప్పు/సాంబార్, పెరుగు, పచ్చడి
శనివారం : టిఫిన్ - ఇడ్లీ, చట్నీ/పొడి, సాంబారు లేదా పొంగల్, చట్నీ/పొడి, సాంబారు, మిక్చర్. లంచ్ / డిన్నర్ - వైట్ రైస్, కూర, పప్పు/సాంబారు, పెరుగు, పచ్చడి.
ఆదివారం: సెలవు
