జూలూరుపాడు, వెలుగు: మండలంలోని అన్నారుపాడులో మంగళగిరి డొంకదారిని బాగుచేస్తానని హామీపత్రం రాసిచ్చిన అభ్యర్థికే పార్లమెంట్ ఎన్నికల్లో తమ ఓటు వేస్తామని గ్రామస్తులు ఫ్లెక్సీ ఏర్పాటు చేశారు. అన్నారుపాడు, పాపకొల్లు, బచ్చలకోయగూడం గ్రామాల రైతులు పొలాలకు వెళ్లేందుకు మంగళగిరి డొంకను వినియోగిస్తున్నారు. వర్షం వచ్చిందంటే బురదమయమై రాకపోకలకు ఇబ్బందిగా ఉంటుంది. ఈ దారి వెంబడి ఆయా గ్రామాల రైతులకు సంబంధించి సుమారు 200 ఎకరాల భూములు ఉన్నట్లు గ్రామస్తులు తెలిపారు.
