గచ్చిబౌలి, వెలుగు: బీఆర్ఎస్ ఎమ్మెల్యే పాడి కౌశిక్రెడ్డిపై మరో కేసు ఫైల్ అయింది. బంజారాహిల్స్ పోలీసు స్టేషన్ లో నమోదైన కేసు విషయంలో అరెస్టు చేసేందుకు వెళ్లగా కౌశిక్రెడ్డి తనమీద దురుసుగా ప్రవర్తిండంతో పాటు చనిపోతానని బెదిరించాడని మాసాబ్ ట్యాంక్ సీఐ పరుశురాం ఫిర్యాదు చేశారు. దాంతో గచ్చిబౌలి పోలీసులు కేసు నమోదు చేశారు.
విధులకు ఆటంకం కలింగించారనే ఆరోపణలతో ఈ నెల 4న కౌశిక్ రెడ్డితో పాటుమరో 20 మందిపై బంజారాహిల్స్ పోలీసులు కేసు నమోదు చేసి అదుపులోకి తీసుకున్నారు. ఆ సందర్భంలోనే మాసాబ్ ట్యాంక్ ఇన్ స్పెక్టర్ పరుశురాంను కౌశిక్ రెడ్డి ఆత్మహత్య చేసుకుంటానని బెదిరించాడు. ఇన్ స్పెక్టర్ కంప్లైంట్ పై కోర్టు అనుమతితో శుక్రవారం మరో కేసు నమోదు చేసిన గచ్చిబౌలి పోలీసులు దర్యాప్తు చేపట్టారు.
