బడంగ్ పేట, వెలుగు: సినీ నటుడు మోహన్ బాబు ఇంట్లో గొడవలు సద్దుమణగడం లేదు. మంచు మనోజ్, విష్ణు మరోసారి గొడవపడ్డారు. జల్ పల్లిలోని తన ఇంటికి వచ్చిన విష్ణు.. జనరేటర్లో చక్కెర కలిపిన డీజిల్ పోశారని మనోజ్ ఆరోపించారు. ఈ మేరకు ఆదివారం ఆయన మీడియాకు లేఖ విడుదల చేశారు. ‘‘నా తల్లి జన్మదిన వేడుకల సందర్భంగా శనివారం రాత్రి విష్ణుతో పాటు అతని అనుచరులు నా ఇంట్లోకి ప్రవేశించారు. కేక్ కట్ చేసే సమయంలో జనరేటర్లో చక్కెర కలిపిన డీజిల్ పోశారు. దీంతో విద్యుత్ సరఫరాకు అంతరాయం కలిగింది. మేం రాత్రంతా బిక్కుబిక్కుమంటూ నిద్రపోలేదు. నన్ను చంపేందుకు కుట్ర జరుగుతున్నది” అని అందులో పేర్కొన్నారు. దీనిపై పోలీసులకు ఫిర్యాదు చేస్తానని చెప్పారు.
