హైదరాబాద్, వెలుగు: కోకాపేట నియోపోలిస్ లేఅవుట్ కేంద్రంగా మరో ఐటీ హబ్రూపుదిద్దుకుంటోంది. రెండేండ్ల కింద 532 ఎకరాల్లో హెచ్ఎండీఏ ఇక్కడ లేఅవుట్ వేసి ప్లాట్లను విక్రయించింది. ఎన్నో కంపెనీలు నియోపోలిస్లో భూములను కొనుగోలు చేశాయి. ఈ లేఅవుట్ ప్రభుత్వానికి రూ.కోట్ల ఆదాయం సమకూర్చిపెట్టింది. ఆ టైమ్లో అంతర్జాతీయ స్థాయిలో కోకాపేట పేరు మార్మోగింది.
ఎకరం రూ.100 కోట్ల వరకు పలుకుతోందని వార్తలు రావడంతో ఈ ప్రాంతం అందరి దృష్టిని ఆకర్షించింది. త్వరలో పలు మల్టీనేషనల్కంపెనీలు, ఐటీ సంస్థలు ఏర్పాటు కాబోతున్నాయని, హైటెక్సిటీ తర్వాత మరో కీలక ప్రాంతంగా నియోపోలిస్మారబోతుందని హెచ్ఎండీఏ అధికారులు చెబుతున్నారు. ప్రస్తుతం ఈ ప్రాంతంలో అభివృద్ధి పనులు శరవేగంగా కొనసాగుతున్నాయి.
మౌలిక సదుపాయాల కల్పనపై అధికారులు ఫోకస్ పెట్టారు. ఇప్పటికే ఆరు, నాలుగు లేన్ల రోడ్ల నిర్మాణం పూర్తయింది. సెంట్రల్ ల్యాండ్స్కేపింగ్ పూర్తికావస్తోంది. అంతర్గత రోడ్లతోపాటు, డ్రైనేజీ లైన్ల నిర్మాణానికి ప్రణాళికలు సిద్ధమయ్యాయి. పనులన్నీ పూర్తయితే సమీప భూముల ధరలు మరింత పెరిగే అవకాశం ఉంటుందని అధికారులు చెబుతున్నారు.
