జనగామ అర్బన్, వెలుగు : కొత్త ఏడాదిలో జనగామ జిల్లాను డ్రగ్స్రహిత జిల్లాగా తీర్చిదిద్దుకుందామని డీసీపీ రాజమహేంద్ర నాయక్అన్నారు. ఆదివారం జిల్లా కేంద్రంలోని బతుకమ్మ కుంటలో కేఎన్ఆర్ సైక్లింగ్ఆధ్వర్యంలో యాంటీ డ్రగ్స్అవేర్నెస్ 2 కే రన్, సైక్లింగ్ ర్యాలీని వెస్ట్జోన్ డీసీపీ హాజరై జెండా ఊపి ప్రారంభించారు. డ్రగ్స్నిర్మూలన కోసం పాటుపడతామని యువతతో ప్రతిజ్ఞ చేయించారు.
ఈ సందర్భంగా డీసీపీ మాట్లాడుతూ డ్రగ్స్నిర్మూలించడానికి ప్రతి ఒక్కరూ పోలీసులకు సహకరించాలని కోరారు. 2 కే రన్, సైక్లింగ్లో ప్రతిభ కనబర్చిన వారికి మెడల్స్, సర్టిఫికెట్లు అందజేశారు. కార్యక్రమంలో ఏసీపీ కె.పార్థసారథి, సీఐ దామోదర్రెడ్డి, ఎస్సైలు చెన్నకేశవులు, రాజేశ్కుమార్, ఎం.భరత్, ఎం.స్వేత, పోలీస్సిబ్బంది, విద్యార్థులు, యువత తదితరులు పాల్గొన్నారు.
