పొల్యూషన్.. పొల్యూషన్.. ఇప్పుడు ఢిల్లీ, ముంబై సిటీలతో భయపెడుతోంది. అంతేకాదు హైదరాబాద్ సిటీలోనూ పొల్యూషన్ పెరుగుతుంది. ప్రపంచ వ్యాప్తంగా సిటీ నుంచి పల్లెల వరకు పొల్యూషన్ పెరిగిపోయింది. ఈ క్రమంలోనే మీ ఆరోగ్యంపై.. పొల్యూషన్ ప్రభావం చూపుతోంది. ఆస్తమా, ఎలర్జీ, సైనసైటిస్, తలనొప్పి, మైగ్రేన్, దగ్గు.. ఇలాంటి ఎన్నో రోగాలకు పొల్యూషన్ కారణం అవుతుంది. అయితే మీరు సరైన ఆహారం.. సరైన పండ్లు, కూరగాయలు తీసుకుంటే ఈ పొల్యూషన్ నుంచి ఆరోగ్యాన్ని కాపాడుకోవచ్చు. అది ఎలా ఆహారమో ఇప్పుడు తెలుసుకుందాం...
ఢిల్లీ NCR, పరిసర ప్రాంతాలలో గాలి నాణ్యత రోజురోజుకు క్షీణించడంతో వాయు కాలుష్యం పెరుగుతోంది. అయితే వాయు కాలుష్యం దుష్ప్రభావాలను నివారించడం ఎల్లప్పుడూ సాధ్యం కాదు. విషపూరితమైన గాలి ఊపిరితిత్తులు, మెదడు, గుండె, మొత్తం ఆరోగ్యంపై ప్రభావం చూపిస్తుంది. వాయు కాలుష్యం అనేది ఊపిరితిత్తుల క్యాన్సర్, గుండె జబ్బులు, శ్వాసకోశ ఇన్ఫెక్షన్ల నుంచి మిలియన్ల కొద్దీ మరణాలకు కారణమైన అతిపెద్ద పర్యావరణ ఆరోగ్య ప్రమాదాలలో ఒకటిని ఆరోగ్య సంస్థ (WHO) వెల్లడించింది. ఈ ప్రమాదాలను నివారించేందుకు సరైన ఆహార ఎంపికలు, యాంటీఆక్సిడెంట్లు, విటమిన్లు, ఒమేగా-3 కొవ్వు ఆమ్లాలతో కూడిన సమతుల్య ఆహారంతో కాలుష్యం-ప్రేరిత నష్టాన్ని కొంతవరకు తిప్పికొట్టడం సాధ్యమవుతుంది.
వాయు కాలుష్యం వలన కలిగే హానికరమైన ప్రభావాలను ఎదుర్కోవడానికి డైట్ లో తప్పనిసరిగా చేర్చవలసిన ఆహార సమూహాలేంటో ఇప్పుడు చూద్దాం:
1. విటమిన్ ఎ: పాలు, గుడ్లు, క్యారెట్లు, గుమ్మడికాయలు
కాలుష్యం ప్రభావాలను ఎదుర్కోవడానికి, రోజూ వారి ఆహారంలో రెటినాల్ (విటమిన్ A) ఆహార వనరులను చేర్చుకోవడం చాలా ఉత్తమం. ఇందులో ప్రధానంగా పాలు, కాలేయం, గుడ్లు, బలవర్థకమైన ఆహారాలు, క్యారెట్, మామిడి, గుమ్మడికాయలు వంటి నారింజ, పసుపు పండ్లను తీసుకోవాలి.
2. విటమిన్లు సి, ఇ: నారింజ, జామ, సోయాబీన్, గింజలు
విటమిన్ సి, విటమిన్ ఇ తీసుకోవడం ఆస్తమా వంటిని నివారిస్తుంది. అందువల్ల, రోజూవారి ఆహారంలో ఈ విటమిన్లు అధికంగా ఉండే ఆహారాన్ని చేర్చుకోవడం చాలా ముఖ్యం. నారింజ, జామ వంటి సిట్రస్ పండ్లు విటమిన్ సిని కలిగి ఉంటాయి. దాంతో పాటు సోయాబీన్, ఆవాల నూనెలు, ఆకుకూరలు, గింజలు సైతం విటమిన్ E, ఒమేగా-3 కొవ్వు ఆమ్లాలను అందిస్తాయి.
3. విటమిన్ డి: సూర్యకాంతి, గుడ్లు, కొవ్వు చేప
కాల్షియం, ఫాస్పరస్ జీవక్రియలో విటమిన్ డి కీలక పాత్ర పోషిస్తాయి. సాధారణ విటమిన్ డి స్థాయిలను నిర్వహించడం అనేది ఉబ్బసం ఉన్న పెద్దలలో మెరుగైన ఆస్తమా నియంత్రణతో సంబంధం కలిగి ఉంటుంది. అయినప్పటికీ, ఈ రోజుల్లో చాలా మందికి విటమిన్ డి స్థాయిలు తక్కువగా ఉంటున్నాయి. కావున ఆస్తమాను సమర్థవంతంగా నియంత్రించడానికి విటమిన్ డి స్థాయిలను సాధారణ పరిధిలో ఉంచడానికి సప్లిమెంటేషన్ అవసరం.
4. పసుపు
పసుపులో ఉండే కర్కుమిన్ అనే ఫైటోకెమికల్ శక్తివంతమైన యాంటీ ఇన్‌ఫ్లమేటరీ, యాంటీ ట్యూమర్, యాంటీ ఫంగల్, యాంటీ ఆక్సిడెంట్ లక్షణాలను కలిగి ఉంది. మీ ఆహారంలో కర్కుమిన్‌ని చేర్చుకోవడం వల్ల పల్మనరీ ఫైబ్రోసిస్, క్యాన్సర్ నుండి రక్షణ పొందవచ్చు. దీన్ని అధిక మోతాదులో తీసుకోకుండా ఒక టీస్పూన్ పసుపు తీసుకుంటే సరిపోతుంది.
5. నల్ల మిరియాలు
అలాగే, నల్ల మిరియాలు లేకుండా కర్కుమిన్ శరీరంలో సమర్థవంతంగా శోషించబడదు. కావున, దాని జీవ లభ్యతను మెరుగుపరచడానికి నల్ల మిరియాలుతో దీన్ని తినేలా చూసుకోండి.
6. ఒమేగా-3 కొవ్వు ఆమ్లాలు
రోజూ వారి ఆహారంలో ఒమేగా-3 రిచ్ ఆయిల్‌లను చేర్చుకోవడం గుండెకు రక్షణగా ఉండటమే కాకుండా కాలుష్యం నుంచి శరీరాన్ని రక్షించడంలో సహాయపడుతుంది. తృణధాన్యాలు, వివిధ రకాల పండ్లు, కూరగాయలు, సమతుల్య భోజనం అనేవి ప్రాసెస్ చేయబడిన, ఫాస్ట్ ఫుడ్ లను ఇవి పరిమితం చేస్తాయి.
