అనుపమ పరమేశ్వరన్ లీడ్ రోల్‌‌‌‌లో నటించిన చిత్రం ‘జానకి వర్సెస్ స్టేట్ ఆఫ్ కేరళ’. సురేష్ గోపి, బైజు సందోష్, దివ్య పిళ్లయి, అస్కర్ అలీ ఇతర ముఖ్య పాత్రలు పోషించారు. ప్రవీణ్ నారాయణ దర్శకత్వంలో జె ఫణీంద్ర కుమార్ నిర్మిస్తున్నారు. రియల్ ఇన్సిడెంట్స్ బేస్ చేసుకుని ఇంటెన్స్ కోర్టు డ్రామాగా ఈ చిత్రాన్ని రూపొందించారు.
అనుపమ పరమేశ్వరన్ ఇందులో జానకి పాత్రలో కనిపించనుంది. జానకిపై జరిగిన అన్యాయాన్ని కోర్టులో ఎలా ఎదుర్కొంది అన్న అంశాన్ని ఇంటెన్స్ డ్రామాగా నిర్మించారు. ఈ కేసును వాదించే లాయర్ పాత్రలో సురేష్ గోపి నటించారు. ఈ సినిమాని ఫిబ్రవరిలో విడుదల చేస్తామని మూవీ మేకర్స్ తెలిపారు. గిరీష్ నారాయణన్ , జిబ్రాన్ సంగీతం అందిస్తున్నారు.
