కొంత గ్యాప్ తర్వాత తిరిగి ఓ పవర్‌‌‌‌‌‌‌‌‌‌‌‌‌‌‌‌ఫుల్‌ రోల్‌‌‌‌‌‌‌‌తో ప్రేక్షకుల ముందుకొస్తోంది అనుష్క (Anushka Shetty). ఆమె లీడ్ రోల్‌‌‌‌‌‌‌‌లో క్రిష్ జాగర్లమూడి తెరకెక్కిస్తున్న చిత్రం ‘ఘాటి’. వేదం సినిమా తర్వాత వీళ్లిద్దరి కాంబినేషన్‌‌‌‌‌‌‌‌లో వస్తున్న సినిమా ఇది.
యూవీ క్రియేషన్స్ సమర్పణలో రాజీవ్ రెడ్డి, సాయిబాబు జాగర్లమూడి నిర్మిస్తున్నారు. యూవీ సంస్థలో అనుష్కకు ఇది నాలుగో సినిమా. గురువారం అనుష్క బర్త్‌ డే సందర్భంగా ఫస్ట్ లుక్ పోస్టర్‌, వీడియో గ్లింప్స్‌‌‌‌‌‌‌‌‌‌‌‌‌‌‌‌ను విడుదల చేశారు. పర్వతపు లోయ ప్రాంతాల్లో ఉండే వాళ్లను ఘాటి అని పిలుస్తారు. అందుకు తగ్గట్టే గిరిజన యువతి గెటప్‌‌‌‌‌‌‌‌లో కనిపించిన అనుష్క.. బస్ ఎక్కి కొడవలితో ఒకరి తల కోసి దాన్ని తీసుకెళ్తూ వైల్డ్‌‌‌‌‌‌‌‌గా కనిపించింది.
నుదురు, చేతులపై రక్తంతో భంగ్ తాగుతూ సీరియస్‌‌‌‌‌‌‌‌గా ఉంది. ఇదొక సర్వైవల్ యాక్షన్ థ్రిల్లర్. బాధితురాలైన యువతి క్రిమినల్‌‌‌‌‌‌‌‌గా మారి ఆపై లెజెండ్‌‌‌‌‌‌‌‌గా ఎలా ఎదిగింది అనే లైన్‌‌‌‌‌‌‌‌తో తెరకెక్కిస్తున్నట్టు అర్థమవుతోంది.
ఇప్పటికే షూటింగ్ పూర్తయింది. పోస్ట్ ప్రొడక్షన్ వర్క్స్ జరుగుతున్నాయి. చింతకింది శ్రీనివాసరావు కథను అందించగా సాయిమాధవ్ బుర్రా మాటలు రాశారు. నాగవెల్లి విద్యాసాగర్ సంగీతం అందిస్తున్నారు. పాన్ ఇండియా వైడ్‌‌‌‌‌‌‌‌గా విడుదల కానుంది.
