అనుష్క శెట్టి లీడ్ రోల్‌‌‌‌‌‌‌‌లో క్రిష్ జాగర్లమూడి తెరకెక్కిస్తున్న చిత్రం ‘ఘాటి’. యూవి క్రియేషన్స్ సమర్పణలో రాజీవ్ రెడ్డి, సాయిబాబు జాగర్లమూడి నిర్మిస్తున్నారు. ఇటీవల విడుదలైన గ్లింప్స్‌‌‌‌‌‌‌‌తో అనుష్క ఇంటెన్స్‌ క్యారెక్టర్‌‌‌‌‌‌‌‌‌‌‌‌‌‌‌‌ను పరిచయం చేసిన మేకర్స్.. తాజాగా రిలీజ్ డేట్‌‌‌‌‌‌‌‌పై అప్‌‌‌‌‌‌‌‌డేట్ ఇచ్చారు.
ఏప్రిల్‌ 18న సినిమా విడుదల కాబోతోందని ఆదివారం ప్రకటించారు. ఈ సందర్భంగా విడుదల చేసిన పోస్టర్‌‌‌‌‌‌‌‌‌‌‌‌‌‌‌‌లో చీరకట్టులో కనిపించిన అనుష్క, ఇంటెన్స్‌ లుక్‌‌‌‌‌‌‌‌లో ఇంప్రెస్ చేసింది. ఇక పోస్టర్‌‌‌‌‌‌‌‌‌‌‌‌‌‌‌‌తో పాటు అనౌన్స్‌‌‌‌‌‌‌‌మెంట్‌‌‌‌‌‌‌‌కు సంబంధించి విడుదల చేసిన ఫన్‌ వీడియో ఆకట్టుకుంది. ‘వేదం’ తర్వాత అనుష్క, క్రిష్ కాంబినేషన్‌‌‌‌‌‌‌‌లో వస్తోన్న రెండో సినిమా ఇది. అలాగే యూవీ క్రియేషన్స్‌‌‌‌‌‌‌‌తో అనుష్కకు ఇది నాలుగో సినిమా. చింతకింది శ్రీనివాసరావు కథను అందించగా, సాయిమాధవ్ బుర్రా మాటలు రాశారు. మనోజ్ రెడ్డి కాటసాని సినిమాటోగ్రాఫర్. నాగవెల్లి విద్యాసాగర్ సంగీతం అందిస్తున్నారు. పాన్‌ ఇండియా వైడ్‌‌‌‌‌‌‌‌గా విడుదల కానుంది.
