మహబూబ్నగర్, వెలుగు: బీజేపీ రాష్ట్ర అధ్యక్షుడిగా బండి సంజయ్ ఉండుంటే, ఈ రోజు రాష్ట్రంలో బీజేపీ ప్రభుత్వం ఏర్పడేదని బీజేపీ జాతీయ కార్యవర్గ సభ్యుడు ఏపీ జితేందర్రెడ్డి పేర్కొన్నారు. సోమవారం తన ఇంట్లో బీజేపీ క్యాండిడేట్ మిథున్ రెడ్డితో కలిసి మీడియాతో మాట్లాడుతూ ఈ విషయాన్ని ప్రజలే చెబుతున్నారని, కొందరు చెప్పిన మాటలతో సంజయ్ని తప్పించారన్నారు.
ఆ తరువాత తెలంగాణలో కాంగ్రెస్ గ్రాఫ్ పెరిగిందని చెప్పారు. బీజేపీ రాకపోతే అల్టిమేట్గా కాంగ్రెస్ పార్టీని ఎంచుకున్నారని తెలిపారు. రాష్ట్రంలో ప్రజలంతా మార్పు కోరుకున్నారన్నారు. లక్ష కోట్లు అప్పుల్లో ఉన్న తెలంగాణలో కాంగ్రెస్ ప్రభుత్వం ఆరు గ్యారంటీలు అమలు చేయడం సాధ్యం కాదన్నారు.
