తిరుమల లడ్డూ విషయంలో APCC చీఫ్ వైఎస్ షర్మిలా రెడ్డి స్పందించారు. ఈ వివాదాన్ని సుమోటోగా స్వీకరించి దర్యాప్తు జరిపించాలని సుప్రీంకోర్టు ప్రధాన న్యాయమూర్తికి లేఖ రాశారు. ఈ గొడవ ఏపీ మత ఘర్షణలకు దారితీసేలా అధికార, ప్రతిపక్ష పార్టీలు వ్యవహరిస్తున్నాయని ఆమె లేఖలో పేర్కొన్నారు. దీక్షలు.. ప్రమాణాలు కాదు.. నిజం కావాలంటూ.. డిక్లరేషన్.. తిరుమల నిబంధనలు అందరికి వర్తిస్తాయన్నారు. - జగన్ డిక్లరేషన్ ఇవ్వాలా ? లేదా ? ఆయన ఇష్టం.. - రూల్స్ అందరికీ వర్తించాలి.. - అంతా రూల్ ప్రకారం నడవాలని షర్మిల అన్నారు.
ALSO READ | తిరుమల వివాదం : జగన్.. ఈ ఫారంపై సంతకం పెట్టి.. శ్రీవారిని దర్శించుకో : బీజేపీ
జగన్ సర్కార్ లడ్డూలో జంతువుల కొవ్వు కలిపితే... కూటమి సర్కార్ లడ్డూలో మత రాజకీయాలు కలుపుతుందని ఆంధ్రప్రదేశ్ కాంగ్రెస్ అధ్యక్షురాలు వైఎస్ షర్మిల అన్నారు. ప్రస్తుతం ఏపీలో పాలన జరుగుతుందా అని ప్రశ్నించారు. సీఎం చంద్రబాబు శాంతి హోమాలు.. ఉప ముఖ్యమంత్రి పవన్ దీక్షలు.. ప్రతిపక్ష పాత్ర పోషించాల్సిన జగన్ ప్రక్షాళన పూజలంటూ నీచ రాజకీయాలు చేస్తున్నారని ధ్వజమెత్తారు.
హిందూమతాన్ని అంతం చేసేందుకు కేంద్ర కుట్ర పన్నారని... మత ఘర్షణలు జరగాలని వారు హిడెన్ అజెండా పెట్టుకుని ... మతాల మధ్య చిచ్చు పెడుతున్నారని ఏపీ కాంగ్రెస్ అధ్యక్షురాలు షర్మిల అన్నారు. బీజేపీ డైరక్షన్ లో పవన్.. మోదీ డైరక్షన్ లో చంద్రబాబు పనిచేస్తున్నారని విమర్శించారు. చంద్రబాబు 100 రోజుల పాలనపై జనాలు తిరగబడతారని .. ఇప్పుడు తిరుమల లడ్డూ అంశాన్ని తెరపైకి తెచ్చారన్నారు. -
