అదాని కేసు విషయంలో ఏపీసీసీ అధ్యక్షురాలు వైఎస్ షర్మిల స్పందించారు. మాజీ ముఖ్యమంత్రి జగన్ ... ఆంధ్రప్రదేశ్ రాష్ట్రాన్ని .. అదానీ రాష్ట్రంగా మార్చేశాడంటూ... అప్పుడు జరిగిన అన్ని ఒప్పందాలపై సమగ్ర విచారణ జరపాలని షర్మిల డిమాండ్ చేశారు. యూఎస్ఏ న్యాయస్థానం.. అదానీపై అభియోగాలు మోపిందంటూ.. భారతదేశంలోని కొంతమంది ముఖ్యమంత్రులకు గతంఓ అదాని లంచాలు ఇచ్చాడని.. వారిలో ఏపీ మాజీముఖ్యమంత్రి జగన్ కూడా ఉన్నారని అన్నారు.
జగన్ పేరు బహిరంగంగా చెప్పకపోయినా ... ఆగస్టు 2021 లో ఆంధ్రప్రదేశ్ లో అధికారంలో ఉన్న పార్టీ నేతలకు ముడుపులు ముట్టాయని తెలిపారు. ఆంధ్రప్రదేశ్ కు పవర్ అమ్మేందుకు అప్పట్లో సీఎంగా ఉన్న జగన్ ను .. గౌతం అదాని కలిసి .. ఏది కావాలంటే అది ఇస్తానని ప్రామిస్ చేశారని వార్తొస్తున్నాయి. సీఎం ఆదేశాల మేరకు కొంతమంది అదానీతో లంచాల విషయాన్ని చర్చించారని క్లియర్ ఉందని షర్మిల వెల్లండించారు.
పవర్ సప్లయ్ విషయంలో అదాని .. జగన్ కు 1750 కోట్ల రూపాయిలు లంచం ఇచ్చారని... ఈ విషయం అమెరికా బయటపెట్టేంత వరకు ఎందుకు బహిర్గతం కాలేదని షర్మిల ప్రశ్నించారు. అంతర్జాతీయ స్థాయిలో .. మన దేశం పరువు పోతే నిఘా సంస్థలైన సీబీఐ, ఈడీ సంస్థలు ఏం చేస్తున్నాయి... గత ఐదేళ్లలో అదానీ కోసం జగన్చాలా డీల్స్ చేసే ఉంటారని.. ఈ విషయాన్ని ఎవరు విచారిస్తున్నారని ఏపీసీసీ అధ్యక్షురాలు షర్మిల ప్రశ్నించారు. గంగవరం పోర్టులో ఎంత లంచం వచ్చింది.. కృష్ణ పట్నం పోర్ట్ ను అదానీకి ఎందుకు కట్టబెట్టారు.. ఇందులో జగన్ కు ఎంత లంచం వచ్చింది.. డేటా సెంటర్కు భూమిని అప్పనంగా ఎందుకు ఇచ్చారంటూ ..నియమాలకు విరుద్దంగా అదానీకి కట్టబెట్టిన సోలార్ ప్రాజెక్ట్ను వెంటనే రద్దు చేయాలని షర్మిల డిమాండ్ చేశారు.
