హనుమకొండసిటీ, వెలుగు : రాష్ట్రంలోని ఏపీజీవీబీ శాఖలను తెలంగాణ గ్రామీణ వికాస్ బ్యాంక్ లో విలీనం చేస్తున్నట్లు ఆంధ్రప్రదేశ్ గ్రామీణ వికాస్ బ్యాంక్ చైర్మన్ కె.ప్రతాప్ రెడ్డి తెలిపారు. శుక్రవారం హనుమకొండలో ఏర్పాటు చేసిన ప్రెస్మీట్ లో ఆయన మాట్లాడుతూ రాష్ర్టంలోని 493 శాఖలు తెలంగాణ గ్రామీణ వికాస్ బ్యాంక్ లో విలీనం అవుతున్నాయని చెప్పారు.
ఈ నెల 28 నుంచి 31వ తేదీ వరకు బ్రాంచ్ ఆపరేషన్స్, ఆన్ లైన్ బ్యాంకింగ్ సర్వీసెస్ లు నిలిపివేయనున్నామని, వినియోగదారులు గమనించాలని కోరారు. 2025 జనవరి 1 నుంచి సేవలు అందుబాటులోకి వస్తాయని వివరించారు.
