కొత్త ఫీచర్లు, అప్డేట్స్కు మాత్రమే కాదు యూజర్ల సేఫ్టీకి కూడా చాలా ఇంపార్టెన్స్ ఇస్తాయి టెక్ కంపెనీలు. అలాంటిదే... యాపిల్ తీసుకొచ్చిన ఐ ఫోన్ 14 సిరీస్. ఎమర్జెన్సీ టైంలో సిగ్నల్ లేకున్నా కూడా శాటిలైట్ కనెక్టివిటీతో పనిచేస్తుంది. అట్లనే, యూట్యూబ్లో క్వాలిఫైడ్ కంటెంట్ క్రియేటర్స్ చేసిన సబ్జెక్ట్ వీడియోలు రాబోతున్నాయి. ఇవేకాకుండా ట్వీట్స్ని ఈజీగా షేర్ చేసే ఫీచర్, మైక్రోసాఫ్ట్ తెస్తున్న ట్యాబ్లెట్ ఫ్రెండ్లీ టాస్క్బార్ వంటివి ఈ వారం టెక్నాలజీ అప్డేట్స్లో కొన్ని. వీటి గురించి మరిన్ని వివరాలు.
శాటిలైట్ కనెక్టివిటీతో 14 సిరీస్
ఈమధ్యే ఐ ఫోన్ 14 సిరీస్ తీసుకొచ్చింది యాపిల్. వీటిలో యూజర్ల సేఫ్టీ కోసం శాటిలైట్ కనెక్టివిటీ ఫీచర్ని యాడ్ చేసింది. ఎమర్జెన్సీ టైంలో సిగ్నల్ అందక ఫోన్ పనిచేయనప్పుడు శాటిలైట్ కమ్యూనికేషన్ని ఉపయోగించుకొని అలర్ట్ మెసేజ్లు పంపిస్తుంది. దాంతో, యూజర్లు ప్రమాదం నుంచి బయటపడేలా చేస్తుంది. ఐ ఫోన్14 ప్రో, నాన్– ప్రో ... రెండింటి లోనూ ఈ ఫీచర్ పనిచేస్తుంది. ‘స్పేస్ ఎక్స్’ సంస్థతో కలిసి ఈ ఫీచర్ తెచ్చింది యాపిల్.
పని ఎలా ప్రమాదం జరిగిన ప్పుడు ఎమర్జెన్సీ సర్వీస్లకు ఫోన్ లేదా మెసేజ్ చేస్తాం. అప్పుడు సిగ్నల్ ఉంటే ‘ఓకే’. లేదంటే శాటిలైట్ కనెక్టివి టీని ఉపయోగించు కుంటుంది ఐ ఫోన్ 14 సిరీస్. శాటిలైట్ సిగ్నల్ అందగానే ‘శాటిలైట్ ద్వారా ఎమర్జెన్సీ మెసేజ్ పంపండి’ అనే ఆప్షన్ కనిపిస్తుంది. దాన్ని ‘ఓకే’ చేయగానే 15 సెకన్లలో ఎమర్జెన్సీ సర్వీస్లకు మెసేజ్ వెళ్తుంది. అంతేకాదు ఆ చుట్టుపక్కల శాటిలైట్ కనెక్టివిటీ బాగాఉండే లొకేషన్ కూడా స్క్రీన్ మీద కనిపిస్తుంది.
ట్వీట్స్ షేరింగ్ ఈజీ
కొన్ని ట్వీట్స్ని ఫ్రెండ్స్తో షేర్ చేసుకోవాలను కుంటారు చాలామంది. అందుకని వాళ్లని ట్యాగ్ చేస్తారు. లేదంటే వాళ్ల అకౌంట్లో ట్వీట్స్ని పోస్ట్ చేస్తారు. ఒకవేళ ఇన్స్టాగ్రామ్, స్నాప్చాట్ వంటి యాప్స్లో షేర్ చేయాలనుకుంటే ట్వీట్ని స్క్రీన్ షాట్ తీసి, పోస్ట్ చేస్తారు. అయితే... ఇకపై నేరుగా ట్వీట్స్ని షేర్ చేయొచ్చు. అదెలాగంటే... యూజర్లు ట్విట్టర్ లేటెస్ట్ వెర్షన్ని అప్డేట్ చేసుకోవాలి. షేర్ చేయాలనుకున్న ట్వీట్ మీద నొక్కి, ఇన్స్టాగ్రామ్ని సెలక్ట్ చేసుకోవాలి. అంతే., ఇన్స్టాగ్రామ్ స్టోరీస్లో ట్వీట్స్ షేర్ అవుతాయి. స్నాప్చాట్లో కూడా ఇలానే ట్వీట్స్ని షేర్ చేయాలి. దీంతోపాటు లింక్డిన్ పోస్ట్లు, స్టోరీలను కూడా ఆండ్రాయిడ్, ఐఒఎస్ సిస్టమ్స్లో షేర్ చేసుకునేందుకు సపోర్ట్ చేయనుంది ట్విట్టర్.
బర్డ్ వాచ్ కంటిన్యూ
సోషల్మీడియాలో ఫేక్ న్యూస్, హింసను ప్రేరేపించే వీడియోలు ఎక్కువగా తిరుగుతుంటాయి. అలాంటి వాటిని ఎప్పటి కప్పుడు కనిపెట్టి తొలగిస్తుం టాయి కంపెనీలు. ట్విట్టర్ కూడా తప్పుడు ట్వీట్లను అడ్డుకునేందుకు ఈ ఏడాది మొదట్లో ‘బర్డ్వాచ్’ ప్రాజెక్ట్ మొదలుపెట్టింది. అందులో భాగంగా15 వేల కంట్రిబ్యూటర్స్కు ఫేక్ ట్వీట్స్ను తొలగించే పని అప్పజెప్పింది. వీళ్లు ఆ ట్వీట్ నిజమా? కాదా? అనేది తెలుసుకునేందుకు ఫ్యాక్ట్ చెక్ చేస్తారు. ఈ ప్రాజెక్ట్ని మరి కొన్ని రోజులు కంటిన్యూ చేయనుంది ట్విట్టర్. అంతేకాదు ప్రతివారం కొత్తగా వెయ్యి మందిని ఫ్యాక్ట్ చెకింగ్ కోసం తీసుకుంటామని చెప్పింది.
ట్యాబ్లెట్ ఫ్రెండ్లీ టాస్క్బార్
యాపిల్ కంపెనీ ఐపాడ్కి పోటీగా ట్యాబ్లెట్ ఫ్రెండ్లీ టాస్క్బార్ని తీసుకురానుంది మైక్రోసాఫ్ట్. ఇది ‘టు ఇన్ వన్’ ట్యాబ్లెట్స్గా మాత్రమే ఉపయోగించే పీసీల్లో పనిచేస్తుంది. యూజర్లు ఉపయోగించనప్పుడు ఈ టాస్క్బార్ స్క్రీన్ మీద కనిపించదు. అంతేకాదు టైం, బ్యాటరీ ఎంత ఉంది? అనే వివరాలు చూపిస్తుంది. దీన్ని ఎక్స్పాండ్ చేస్తే... ట్యాబ్లెట్స్లోని యాప్స్, గ్యాడ్జెట్స్, స్టార్ట్ బటన్, సెట్టింగ్స్ వంటి వాటిని చూడొచ్చు. టెస్టింగ్ దశలో ఉన్న ఈ ఫీచర్ని త్వరలోనే అందుబాటులోకి తేనుంది మైక్రోసాఫ్ట్.
సబ్జెక్ట్ పాఠాల యూట్యూబ్ ప్లేయర్
యూట్యూబ్లో త్వరలోనే ఎడ్యుకేషన్ యాప్స్ ద్వారా స్టడీ కోర్సులు అందించేందుకు ‘యూట్యూబ్ ప్లేయర్’ ఫీచర్ తేనుంది. ఇందుకోసం అమెరికాకు చెందిన ‘ఎడ్యుపజిల్’ అనే కంపెనీతో అగ్రిమెంట్ కూడా చేసుకోనుంది. ఈ ఫీచర్ వస్తే... ఎడ్యుకేషన్కి సంబంధించిన వీడియోలు, సమాచారం దొరకడం ఈజీ అవుతుంది. అంతేకాదు ఈ వీడియోలు ప్లే అవుతున్నప్పుడు యాడ్స్, లింక్స్ వంటివి రావు. ‘యూట్యూబ్ ప్లేయర్’ని వాడుకునేందుకు కొంత డబ్బు కట్టాలి. ఈ ఫీచర్ వల్ల మరో ఉపయోగం ఏంటంటే... నచ్చిన సబ్జెక్ట్ వీడియోలు చూడడమే కాకుండా కంటెంట్ కూడా క్రియేట్ చేయొచ్చు. వచ్చే ఏడాదికల్లా క్వాలిఫైడ్ కంటెంట్ క్రియేటర్స్తో సబ్జెక్ట్ వీడియోలు చేయించనుంది. అయితే, ఈ కోర్సులు ముందుగా అమెరికా, దక్షిణ కొరియాలో అందుబాటులోకి వస్తాయని, రెస్పాన్స్ని బట్టి మిగతా దేశాలకు తీసుకొస్తాం అంటోంది యూట్యూబ్. ఇదేకాకుండా యూజర్లు నాలెడ్జ్ని పెంచుకు నేందుకు ‘క్విజ్’ కూడా మొదలు పెట్టనుంది ఈ సంస్థ.
