ఐఫోన్ కస్టమర్ల కోసం ఐఒఎస్ 18.1 అప్డేట్ను రిలీజ్ చేసింది. ఈ అప్డేట్లో ఇంటెలిజెన్స్ ఫీచర్ కూడా ఉంది. ఇప్పటివరకు ఐఫోన్లో కాల్ రికార్డింగ్ చేయడానికి వీలు ఉండేది కాదు. కానీ, ఇప్పుడు ఈ కొత్త అప్డేట్తో ఇకపై కాల్ రికార్డ్ చేయొచ్చు. ఈ కాల్ రికార్డింగ్ ఫీచర్ ప్రస్తుతం ఐ ఫోన్ 16 యూజర్లకు మాత్రమే అందుబాటులో ఉంది.
ఐ ఫోన్లో కాల్ రికార్డింగ్ ఎలా చేయాలంటే.. ముందుగా మీ డివైజ్లో లేటెస్ట్ ఐఒఎస్ 18.1 అప్డేట్ను ఇన్స్టాల్ చేయాలి. ఫోన్ను అప్డేట్ చేయడానికి, సెట్టింగ్లకు వెళ్లి, ఆపై సాఫ్ట్వేర్ అప్డేట్ అనే ఆప్షన్ మీద క్లిక్ చేయాలి. అలా ఫోన్ అప్డేట్ చేశాక మాత్రమే రికార్డ్ చేసే వీలుంటుంది.
ఫోన్ కాల్ లిఫ్ట్ చేశాక ఎడమ వైపు ఒక గుర్తు కనిపిస్తుంది. దానిపై క్లిక్ చేశాక, కంటిన్యూ చేయాలి. కాల్ మాట్లాడడం పూర్తయ్యాక స్క్రీన్పై పాప్–అప్ వస్తుంది. దాని మీద క్లిక్ చేసి రికార్డింగ్ వినొచ్చు. రికార్డింగ్ ఎప్పుడైనా వినాలనుకుంటే వాయిస్ నోట్స్లో సేవ్ అయి ఉంటాయి.
ALSO READ : ఐప్యాడ్, ఆండ్రాయిడ్ ఫోన్, కంప్యూటర్.. అన్నింటికీ ఒకే పెన్డ్రైవ్ వాడొచ్చు..!
అంతేకాకుండా.. మీ ఫోన్లో ఆపిల్ ఇంటెలిజెన్స్ ఫీచర్ ఉంటే రియల్ టైం ట్రాన్స్క్రిప్షన్ కూడా పొందొచ్చు. ఈ ఫీచర్ ప్రస్తుతం ఇంగ్లీష్, ఫ్రెంచ్, స్పానిష్, జపనీస్, జర్మన్, మాండరీన్, పోర్చుగీస్, కాంటోనీస్ భాషల్లో అందుబాటులో ఉంది. ట్రాన్స్క్రిప్షన్ ఫీచర్ను ఎనేబుల్ చేయాలంటే.. ఫోన్ సెట్టింగ్స్కు వెళ్లాలి. తర్వాత సెర్చ్ బార్లో లైవ్ వాయిస్ మెయిల్ ఆప్షన్ను ఆన్ చేయాలి.
