ఈ-కామ‌ర్స్ దిగ్గజం అమెజాన్‌లో యాపిల్ సేల్ డేస్ ప్రారంభ‌మ‌య్యాయి. యాపిల్ టాప్ సెల్లింగ్ ఐఫోన్లపై సేల్‌లో భాగంగా అమెజాన్ భారీ డిస్కౌంట్లను ఆఫ‌ర్ చేస్తోంది. వారం రోజుల పాటు లిమిటెడ్ డే సేల్ కొన‌సాగనుంది. ఐఫోన్ 14ను త‌క్కువ ధ‌ర‌లో సొంతం చేసుకోవాల‌నుకునేవారు జూన్ 17వ తేదీలోపు అమెజాన్ సైట్‌ను సంద‌ర్శించాల్సి ఉంది. ఈ కామ‌ర్స్ దిగ్గజం యాపిల్ ఐఫోన్ 14 సిరీస్‌పై ఫ్లాట్ డిస్కౌంట్లతో పాటు బ్యాంక్ కార్డులు, ఎక్స్ఛేంజ్ ఆఫ‌ర్లపై ఆక‌ర్షణీయ డీల్స్‌ను ఆఫ‌ర్ చేస్తోంది.
యాపిల్ సేల్ డేస్‌లో భాగంగా ఐఫోన్ 14, ఐఫోన్ 14 ప్లస్, ఐఫోన్ 13 ప్రొ, ఐఫోన్ 14 ప్రొ మ్యాక్స్‌ల‌పై త‌గ్గింపు ధ‌ర‌ల‌ను అమెజాన్ ఆఫ‌ర్ చేస్తోంది. ఆయా ఫోన్లపై ఈకామ‌ర్స్ దిగ్గజం 11 శాతం నుంచి 15 శాతం వ‌ర‌కూ డిస్కౌంట్‌ను ఆఫ‌ర్ చేస్తోంది. యాపిల్ ఐఫోన్ 14 128జీబీ మోడ‌ల్ ఒరిజిన‌ల్ ధ‌ర రూ. 79,999 కాగా సేల్‌లో 15 శాతం త‌గ్గింపున‌కు రూ. 67,999కే అందుబాటులో ఉంది.
236జీబీ వేరియంట్ రూ. 89,990 కాగా, రూ. 77,999కే సేల్‌లో అందిస్తోంది. యాపిల్ ఐఫోన్ 14 ప్లస్ 128జీబీ స్టోరేజ్ మోడ‌ల్ రూ. 89,900 కాగా, సేల్‌లో భాగంగా రూ. 76,999కి అమెజాన్ ఆఫ‌ర్ చేస్తోంది. ఇక ఐఫోన్ 14 సిరీస్‌లో హైఎండ్ మోడ‌ల్స్ ఐఫోన్ 14 ప్రొ, ఐఫోన్ 14 ప్రొ మ్యాక్స్‌లు సేల్‌లో భాగంగా 9 శాతం డిస్కౌంట్ ఆఫ‌ర్‌పై అందుబాటులో ఉన్నాయి.
