కేంద్రం ప్రభుత్వ వివిధ విభాగాల్లో సెలక్షన్ పోస్టులను స్టాఫ్ సెలక్షన్ కమిషన్ ద్వారా భర్తీకి ఫిబ్రవరి 26న నోటిఫికేషన్ వెలువడిన సంగతి తెలిసిందే. దీని ద్వారా 2049 పోస్టులను భర్తీ చేయనున్నారు. పోస్టులవారీగా విద్యార్హతలు నిర్ణయించారు. ఈ పోస్టుల భర్తీకి సంబంధించిన దరఖాస్తు ప్రక్రియ ఫిబ్రవరి 26న ప్రారంభం కాగా.. దరఖాస్తు గడువు మార్చి 18తో ముగియాల్సి ఉంది. అయితే ఈ గడువును మార్చి 26 వరకు పొడిగించారు.
అభ్యర్థులు మార్చి 27 వరకు ఫీజు చెల్లించవచ్చు. దరఖాస్తుల సవరణకు మార్చి 30 నుంచి ఏప్రిల్ 1 వరకు అవకాశం కల్పించారు. ఆన్‌లైన్ ద్వారా తమ దరఖాస్తులు సమర్పించాల్సి ఉంటుంది. రాతపరీక్ష, స్కిల్‌టెస్ట్, తదితర పరీక్షల ఆధారంగా ఉద్యోగ ఎంపికలు చేపడతారు. ప్రకటించిన షెడ్యూలు ప్రకారం మే 6 నుంచి 8 వరకు రాతపరీక్ష నిర్వహించనున్నారు. పోస్టును అనుసరించి మెట్రిక్యులేషన్, ఇంటర్, డిగ్రీ, డిప్లొమా ఉత్తీర్ణత ఉండాలి. స్కిల్ టెస్ట్, కంప్యూటర్ ప్రొఫిషియన్సీ టెస్ట్, డేటాఎంట్రీ టెస్ట్, కంప్యూటర్ పరీక్ష ఆధారంగా అభ్యర్థులను ఎంపిక చేస్తారు.
