నిజామాబాద్, వెలుగు: లే అవుట్ చేయని ఇండ్ల ప్లాట్లను రెగ్యులరైజేషన్చేయడానికి అప్లికేషన్లు తీసుకున్న గవర్నమెంట్మూడేళ్ల నుంచి పెండింగ్లో ఉంచింది. రెగ్యులరైజేషన్ పెండింగ్లో పెట్టి, ఇలాంటి ప్లాట్లు రిజిస్ట్రేషన్చేయొద్దని ఇంటర్నల్గా ఆదేశాలిచ్చింది. ఫలితంగా ఇండ్ల స్థలాల సేల్స్ నిలిచి, వాటి యజమానులు ఇబ్బందులు పడుతున్నారు.
జిల్లాలో రూ.6.70 కోట్లు వసూలు..
జిల్లాలో నాన్ లేఅవుట్ ప్లాట్లు రెగ్యులరైజ్ చేయడానికి 2020లో గవర్నమెంట్అప్లికేషన్లు కోరగా, నిజామాబాద్ కార్పొరేషన్, బోధన్, ఆర్మూర్, భీంగల్ మున్సిపాలిటీల పరిధిలో 67,110 మంది దరఖాస్తు చేసుకున్నారు. ఒక్కో దరఖాస్తుకు రూ.వెయ్యి చొప్పున మొత్తం రూ.6.70 కోట్ల ఫీజు వసూలు చేశారు. ప్లాట్ల రెగ్యులరైజేషన్ కోసం గవర్నమెంట్ ఫిక్స్చేసే ఫీజును పే చేయడానికి సిద్ధపడిన వారు, ఆర్జీలు పెట్టుకున్నారు.
సాదాబైనామా తరహాలో..
తెల్లకాగితాలు, స్టాంప్పేపర్లపై కొన్న అగ్రికల్చర్ల్యాండ్స్కు పట్టాపాస్ పుస్తకాలు ఇస్తామని ఉమ్మడి జిల్లా నుంచి 36,787 దరఖాస్తులు తీసుకొని 2020 నుంచి పెండింగ్ పెట్టిన లిస్ట్లో ఇప్పుడు నాన్ లేఅవుట్ప్లాట్ల ఇష్యూ చేరింది. చేసే ఉద్దేశం లేనప్పుడు అసలు అప్లికేషన్లు ఎందుకు తీసుకోవాలని దరఖాస్తుదారులు ప్రశ్నిస్తున్నారు.
రిజిస్ట్రేషన్లలపై ఎఫెక్ట్..
నాన్ లేఅవుట్ ప్లాట్లు ఉన్న కాలనీలతో సమస్య వస్తోందని, కాలనీల్లో రోడ్ల నిర్మాణం, డ్రైనేజీ, పాఠశాల తదితర మౌలిక వసతుల కల్పనకు ఇబ్బంది కలుగుతోందని గవర్నమెంట్తన నిర్ణయానికి కారణం చూపింది. లే అవుట్ ప్లాట్కు చట్టబద్ధత ఉంటుందని, వెంచర్ల విస్తీర్ణంలో ప్రభుత్వానికి లభించే 30 శాతం ల్యాండ్లో ఈ సౌలత్లు చేయొచ్చని ప్రకటించి, నాన్లే అవుట్ ప్లాట్ల అమ్మకాలను పూర్తిగా ఆపేసింది. ఈ క్రమంలో నాన్ లేఅవుట్ వెంచర్లు వేసిన వారి వ్యాపారం మొత్తానికి నిలిచిపోయింది. గవర్నమెంట్ఎలాంటి నిర్ణయం తీసుకున్నా ఓకే చెప్పడానికి వారు సిద్ధంగా ఉన్నారు. వెంచర్లు వేసిన రియల్టర్ల సంగతి పక్కనబెడితే స్థిరాస్తి కోణంలో నాన్ లేఅవుట్ ప్లాట్లు కొనుగోలు చేసి, రెగ్యులరైజేషన్ కోసం అప్లికేషన్లు
పెట్టుకున్నవారు అయోమయంలో ఉన్నారు.
దీపక్ అనే వ్యక్తి బోధన్లో పదేళ్ల కింద నాన్ లేఅవుట్ ప్లాట్కొన్నాడు. ఆ స్థలం అమ్మి, వచ్చిన డబ్బుతో కూతరు పెళ్లి చేయాలనుకోగా దాన్ని కొనడానికి ఎవరు ముందుకు రాకపోవడంతో ఆరా తీశాడు.తన ప్లాట్ మరొకరికి రిజిస్ట్రేషన్ కాదని తెలిసి షాకయ్యాడు. అమ్ముడవుతుందన్న నమ్మకంతో కూతురు పెళ్లి కోసం బయట అప్పు చేశాడు. రెగ్యులరైజేషన్ అప్లికేషన్ పెట్టుకొని మూడేళ్ల నుంచి ఎదురు చూస్తున్నాడు. నగరానికి చెందిన మల్లేశ్ తన కొడుకు ఉన్నత విద్య ఖర్చులకు ఉపయోగపడుతుందని ఏడేళ్ల కింద నగరంలో 200 గజాల ఇంటి జాగా కొన్నాడు. తీరా అమ్మే టైమ్కు నాన్ లేఅవుట్ అంటూ ఎవరూ
కొనడం లేదు.
