న్యూఢిల్లీలోని స్టాఫ్ సెల‌‌క్షన్ క‌‌మిష‌‌న్ (ఎస్ఎస్‌‌సీ) వివిధ కేంద్ర మంత్రిత్వశాఖల్లో జూనియ‌‌ర్ హిందీ ట్రాన్స్‌‌లేట‌‌ర్లు, జూనియ‌‌ర్ ట్రాన్స్‌‌లేట‌‌ర్లు, సీనియ‌‌ర్ హిందీ ట్రాన్స్‌‌లేట‌‌ర్ పోస్టుల భ‌‌ర్తీకి అర్హులైన అభ్యర్థుల నుంచి అప్లికేషన్స్ కోరుతోంది.
విభాగాలు: సెంట్రల్‌ సెక్రటేరియట్‌ అఫీషియల్‌ లాంగ్వేజ్‌ సర్వీస్‌, రైల్వే బోర్డు, ఆర్మ్‌‌డ్‌ ఫోర్సెస్‌ హెడ్‌‌క్వార్టర్స్‌, వివిధ కేంద్ర ప్రభుత్వ మంత్రిత్వ శాఖలు. ఖాళీల వివరాలు త్వరలో వెల్లడిస్తారు.
అర్హత: సంబంధిత స‌‌బ్జెక్టుల్లో మాస్టర్స్ డిగ్రీ ఉత్తీర్ణత‌‌తో పాటు ట్రాన్స్‌‌లేషన్‌‌లో డిప్లొమా/ సర్టిఫికెట్‌ కోర్సు ఉండాలి. వ‌‌య‌‌సు: 1 జనవరి 2022 నాటికి 18- నుంచి 30 ఏళ్ల మధ్య ఉండాలి. ఎస్సీ/ ఎస్టీలకు ఐదేళ్లు, ఓబీసీలకు మూడేళ్ల గరిష్ట వయసులో సడలింపు ఉంటుంది.
సెలెక్షన్స్: కంప్యూటర్ బేస్డ్ టెస్ట్ (పేపర్-1, పేపర్-2) ఆధారంగా సెలెక్షన్ ప్రాసెస్ ఉంటుంది. పేపర్ 1 కంప్యూటర్ బేస్డ్ ఎగ్జామినేషన్‌, పేపర్ 2 ట్రాన్స్‌‌లేషన్‌, ఎస్సే రైటింగ్‌ ఉంటుంది. అభ్యర్థులు ఆన్లైన్లో ఆగస్టు 4 వరకు అప్లై చేసుకోవచ్చు. కంప్యూటర్ బేస్డ్ ఎగ్జామ్ అక్టోబర్లో నిర్వహిస్తారు. పూర్తి సమాచారం కోసం www.ssc.nic.in వెబ్సైట్ సంప్రదించాలి.
