హైదరాబాద్, వెలుగు: కొడంగల్– నారాయణపేట లిఫ్ట్ ఇరిగేషన్ స్కీమ్ టెండర్లకు ఆమోదముద్ర పడింది. దానితో పాటు సదర్మాట్, రాజీవ్గాంధీ లిఫ్ట్ స్కీమ్ టెండర్లకూ ఆమోదం లభించింది. శనివారం నిర్వహించిన కమిటీ ఆన్ టెండర్స్ (సీఓటీ) సమావేశంలో ఆయా ప్రాజెక్టుల టెండర్లకు అధికారులు ఆమోదం తెలిపారు.
రూ.4,350 కోట్ల అంచనా వ్యయంతో చేపడుతున్న కొడంగల్– నారాయణపేట లిఫ్ట్ స్కీమ్ కోసం ఆగస్టులో అధికారులు టెండర్లను పిలిచారు. మొదటి ప్యాకేజీ పనులను రాఘవ కన్స్ట్రక్షన్స్, రెండో ప్యాకేజీ పనులను మేఘా సంస్థ దక్కించుకుంది. సదర్మాట్ బ్యారేజీ ఆధునీకరణ ప్రాజెక్టుకు బృందా కన్స్ట్రక్షన్స్, రాజీవ్ గాంధీ లిఫ్ట్ స్కీమ్ పనులను మరో సంస్థ దక్కించుకుంది.
