- మోబైల్ యాప్స్ డెవలప్ చేసిన ఐఐఎస్సీ, ఐఐటీలు
- కరోనాపై పోరాటానికి తమ వంతుగా స్టూడెంట్ల సాయం
న్యూఢిల్లీ: ప్రపంచాన్ని వణికిస్తున్న కరోనాపై పోరాటంలో తమ వంతుగా ఇండియన్ ఇనిస్టిట్యూట్ ఆఫ్ సైన్సెస్(ఐఐఎస్సీ), ఇండియన్ ఇనిస్టిట్యూట్ ఆఫ్ టెక్నాలజీ(ఐఐటీ)ల స్టూడెంట్లు తమ వంతు సాయం చేస్తున్నారు. సరికొత్త టెక్నాలజీతో మొబైల్ అప్లికేషన్లను డెవలప్ చేసి జనాలకు అందుబాటులోకి తీసుకొచ్చారు. ‘గో కరోనా గో’ ఐఐఎస్సీ బెంగళూరుకు చెందిన పలువురు స్టూడెంట్ల టీమ్ ఈ యాప్ను రూపొందించింది. ‘‘ఈ యాప్ సాయంతో కరోనా పాజిటివ్ పేషెంట్లు, అనుమానితుల కదలికలను తెలుసుకోవచ్చు. బ్లూటూత్, జీపీఎస్ ద్వారా వారు ఎవరెవరిని కలిశారు. ఎక్కడెక్కడికి వెళ్లారు పసిగట్టేయవచ్చు. ఈ యాప్ టెంపోరల్ నెట్వర్క్ అనలిటిక్స్ ను బ్యాక్ ఎండ్లో వాడుకుంటూ హైరిస్క్ ఉన్న వ్యక్తులు ఎవరిని కాంటాక్ట్ అయ్యారు. వైరస్ స్పెడ్ ఎలా ఉంది అనే విషయాలను గురించవచ్చు”అని ఐఐఎస్సీ ఫ్యాకల్టీ మెంబర్ తరుణ్ చెప్పారు. ఇదొక్కటే కాదు ఐసోలేషన్, ప్రాక్సిమిటీ స్కోర్లను కూడా అందిస్తుంది. సోషల్ డిస్టెన్స్కు సంబంధించి సాయం చేస్తుంది. క్వారంటైన్ లో ఉన్నవారు కదలికలపై నిఘా పెట్టేందుకు జియో ఫెన్సింగ్ ఫీచర్ కూడా ఇందులో ఉంది.
సంపర్క్ ఓ మీటర్ యాప్
ఐఐటీ రోపర్ కు చెందిన ఓ బీటెక్ స్టూడెంట్ సాహిల్ వర్మ ‘సంపర్క్ ఓ మీటర్’ యాప్ను రూపొందించాడు. కరోనా వైరస్ ఇన్ఫెక్షన్ పాజిబులిటీస్ ఎక్కువగా ఉన్న ప్రాంతాలను మ్యాప్స్ ద్వారా గుర్తించడానికి ఈ యాప్ ఉపయోగపడుతుంది. వివిధ ఫ్యాక్టర్లను పరిగణనలోకి తీసుకుని ఈ యాప్రిస్క్ స్కోర్ను కూడా అందిస్తుంది. దీని ఆధారంగా మనం ముందు జాగ్రత్త చర్యలు తీసుకునే అవకాశం కలుగుతుంది. సెల్ఫ్ ఐసోలేషన్లోకి వెళ్లడం.. డాక్టర్ ను కన్సల్ట్ చేయడం వంటివి అవసరాన్ని బట్టి చేయొచ్చు. ప్రస్తుతం కాంటాక్ట్ ట్రైసింగ్, కరోనా అనుమానితులను ఐసోలేట్ చేయడం అంతా ప్రభుత్వం చేతుల్లోనే ఉందని, కానీ దీనికి ఎక్కువ టైమ్ పడుతుండటంతో కొందరు పాజిటివ్ పేషెంట్లు మరికొంత మందికి వైరస్ను అంటిస్తున్నారని, ఈ యాప్ను ఇన్స్టాల్ చేసుకున్నట్లయితే టైమ్టు టైమ్ అలెర్ట్ చేస్తుందని, దీని వల్ల వైరస్ మరింత విస్తరించకుండా చేయొచ్చని సాహిల్ వర్మ చెప్పాడు.
కోరన్టైన్యాప్
ఇలాంటిదే కోరన్ టైన్ పేరుతో మరో యాప్ ను ఐఐటీ బాంబే స్టూడెంట్ల టీమ్ రూపొందించింది. కరోనా లక్షణాలు ఉన్న వారు.. లేదా అనుమానితులు క్వారంటైన్ జోన్ ను వదిలి బయటకు వెళితే వెంటనే ఈ యాప్ గుర్తిస్తుంది. టైమ్ టు టైమ్ జీపీఎస్ కో ఆర్డినేట్స్ను అధికారులకు చేరవేస్తుంది. ఒకవేళ ఎవరైనా జీయో ఫెన్సింగ్ లో మార్క్ చేసిన క్వారెంటైన్ జోన్ను దాటి వెళితే వెంటనే డిటెక్ట్ చేస్తుంది. ఐఐటీ ఢిల్లీ, ఐఐటీ రూర్కీ స్టూడెంట్లు కూడా కోవిడ్ పాజిటివ్ కేసులను ట్రేస్ చేసేందుకు ఉపయోగపడే యాప్లను డిజైన్ చేశారు. రూర్కీ స్టూడెంట్లు రూపొందించిన యాప్ ను ఆప్ చేస్తే వెంటనే అధికారులకు అలర్ట్ వెళ్లిపోతుంది. ఆ వ్యక్తి ఉన్న లొకేషన్ ఎస్ఎంఎస్ ద్వారా అందుతుంది. అంతేకాకుండా క్వారంటైన్ లో ఉన్న వ్యక్తులు/ ప్లేసులకు సంబంధించిన ఫొటోలను గూగుల్ మ్యాప్స్ ద్వారా షేర్ చేసుకోవడానికి వీలవుతుంది. ఇంకా అడ్మినిస్ట్రేటర్స్ అన్ని రిపోర్ట్స్ ను మ్యాప్ ద్వారా చూసే వీలు కల్పిస్తుంది.
