కామారెడ్డి, వెలుగు: సదాశివనగర్ మండల సర్వసభ్య సమావేశం బుధవారం రసాభాసగా మారింది. ఎంపీపీ అనసూయ అధ్యక్షతన సమావేశం ప్రారంభం కాగానే స్టేజీపై ప్రొటోకాల్పాటించలేదని ధర్మారావుపేట బీజేపీ ఎంపీటీసీ మహిపాల్యాదవ్ ఆఫీసర్లను ప్రశ్నించారు. ఎంపీపీ, జడ్పీటీసీతో పాటు మార్కెట్ కమిటీ చైర్మన్, రైతు బంధు సమితి మండల ప్రెసిడెంట్, జడ్పీ కో ఆప్షన్మెంబర్ఎలా కూర్చుంటారని నిలదీశారు. ఎంపీటీసీ కూడా వెళ్లి స్టేజీపై కూర్చున్నారు. కిందకు వెళ్లాలని ఎంపీపీ సూచించగా.. ప్రొటోకాల్పాటించనప్పుడు తానెందుకు కూర్చోకూడదని ప్రశ్నించారు. దీంతో ఎంపీటీసీతో ఎంపీపీ , జడ్పీటీసీ వాగ్వివాదానికి దిగారు.
పోలీసులు వచ్చి మహిపాల్ యాదవ్ను బయటకు వెళ్లాలని చెప్పినా, వినక పోవడంతో ఎంపీపీ అనసూయ ‘కిందకు దిగి మాట్లాడు.. లేకపోతే ఈడ్చి పడేస్తాం’ అంటూ దూషించారు. తనకు మీటింగ్గురించి సమాచారం కూడా ఇవ్వలేదని మహిపాల్యాదవ్ఎంపీడీవో లక్ష్మిని ప్రశ్నించగా పోస్టు ద్వారా పంపానన్నారు. మీటింగ్లో వీడియో తీస్తున్న జర్నలిస్టులపై ఎంపీపీ భర్త రమేశ్ దురుసుగా వ్యవహరించారు. గొడవ సద్దుమణిగిన కొద్దిసేపటికి ఎల్లారెడ్డి ఎమ్మెల్యే జాజాల సురేందర్సమావేశానికి వచ్చారు. ఎలాంటి చర్చ జరగకుండానే మీటింగ్ముగించారు.
ఎంపీపీ భర్తపై కలెక్టర్కు ఫిర్యాదు
సదాశివనగర్ ఎంపీపీ అనసూయ భర్త రమేశ్పై చర్య తీసుకోవాలని కోరుతూ బుధవారం కామారెడ్డి కలెక్టర్ జితే శ్వి పాటిల్కు ఎలక్ర్టానిక్ మీడియా ప్రతినిధులు కంప్లైంట్చేశారు. మండల పరిషత్ మీటింగ్కవరేజీ చేస్తుండగా, మీడియా ప్రతినిధులను ఎంపీపీ భర్త అసభ్య పదజాలంతో దూషించారని చర్య తీసుకోవాలని వినతిపత్రం అందించారు.
