ప్రముఖ హీరో విజయ్ దేవరకొండ హీరోగా నటించిన అర్జున్ రెడ్డి చిత్రంలో హీరోయిన్ గా నటించిన బ్యూటిఫుల్ హీరోయిన్ శాలినీ పాండే తెలుగు సినీ ప్రేక్షకులకు సుపరిచితమే. అర్జున్ రెడ్డి చిత్రం మంచి హిట్ అయినప్పటికీ మొదట్లో ఆశించిన స్థాయిలో ఆఫర్లు మాత్రం అందుకోలేకపోయింది శాలినీ పాండే.
అయితే అప్పట్లో బొద్దుగా కనిపించిన ఈ బ్యూటీ ఈమధ్య జిమ్ వర్కౌట్లు, ప్రతీక ఆహార డైట్ వంటివి పాటిస్తూ సన్నబడింది. దీంతో ఆఫర్లు బాగానే వరిస్తున్నట్లు సమాచారం. ఇటీవలే హిందీలో మంచి హిట్ అయిన మహారాజ్ అనే చిత్రంలో ప్రాధాన్యత కలిగిన పాత్రలో నటించింది.
ALSO READ | Kannappa: కన్నప్ప అప్డేట్.. అడివిని పీడించే అరాచకం మారెమ్మ!.. ఫ‌స్ట్‌ లుక్ రిలీజ్
ఈ క్రమంలో ప్రముఖ స్టార్ హీరో ధనుష్ సరసన నటించే ఆఫర్ కొట్టేసింది. ఇందులోభాగంగా శాలినీ పాండే తమిళ్ హీరో ధనుష్ హీరోగా నటిస్తున్న"ఇడ్లీ కడై" చిత్రంలో హీరోయిన్ గా నటిస్తోంది. ఈ చిత్రం ప్రస్తుతం హైదరాబాద్ నగర పరిసర ప్రాంతంలో షూటింగ్ జరుపుకుంటోంది. దీంతో తాజాగా శాలినీ పాండే ఈ చిత్ర షూటింగ్ లో పాల్గొని సందడి చేసింది. అయితే ఈ షూటింగ్ సమయంలో ఎమోషనల్ సన్నివేశాల చిత్రీకరణ జరిగినట్లు సమాచారం
ఈ విషయం ఇలా ఉండగా 'ఇడ్లీ కడై' చిత్రానికి ధనుష్ దర్శకత్వం వహిస్తున్నాడు. కాగా ఈ చిత్రంలో మరో ప్రముఖ హీరోయిన్ నిత్యా మీనన్ కూడా ప్రధాన పాత్రలో నటిస్తుండగా ప్రకాష్ రాజ్, అరుణ్ విజయ్, అశోక్ సెల్వన్, రాజ్ కిరణ్ తదితరులు ఇతర తారాగణంగా నటిస్తున్నారు. ఈ చిత్రానికి జివి ప్రకాష్ కుమార్ సంగీతం అందిస్తున్నారు.
