నందిపేట, వెలుగు : ఆర్మూర్ఎమ్మెల్యే జీవన్రెడ్డికి అడుగడుగున నిరసనలు ఎదురైతున్నాయి. మండలంలో ఇదివరకే కుద్వాన్పూర్, కొండూర్, అన్నారం గ్రామాల్లో నిరసనలు ఎదురవగా తాజాగా లక్కంపల్లిలో ఎమ్మెల్యేకు నిరసన సెగ తగిలింది. సోమవారం ఎమ్మెల్యే గ్రామంలో ప్రచారానికి రానున్నాడని తెలుసుకున్న గ్రామ యువకులు లక్కంపల్లి సెజ్లో ఉద్యోగాలు ఇప్పిస్తానని చెప్పి ఎందుకు ఇప్పించలేదని, గ్రామంలో ఎంత మందికి గృహలక్ష్మి, బీసీ బంధు పథకాల కింద లబ్ధి చేకూరిందని ప్రశ్నిస్తూ , ఎమ్మెల్యే గో బ్యాక్ అంటూ ఫ్లెక్సీ ఏర్పాటు చేశారు. గమనించిన బీఆర్ఎస్ లీడర్లు ఎమ్మెల్యే గ్రామానికి రాకముందే ఫ్లెక్సీని చించేశారు. దీంతో ఇరువర్గాల మధ్య తోపులాట జరిగింది. గ్రామానికి చెందిన కొంతమంది యువకులకు గాయాలయ్యాయి.
