- ఉమ్మడి జిల్లాలోనూ పలు చోట్ల ముమ్మరంగా చేరికలు
ఆర్మూర్, వెలుగు: ఆర్మూర్ మున్సిపల్ వైస్ చైర్మన్ షేక్మున్నాతో పాటు 16 మంది కౌన్సిలర్లు సోమవారం బోధన్ ఎమ్మెల్యే సుదర్శన్రెడ్డి సమక్షంలో కాంగ్రెస్ లో చేరారు. కాంగ్రెస్పార్టీ నియోజకవర్గ ఇన్చార్జి పొద్దుటూరి వినయ్ కుమార్ రెడ్డి ఆధ్వర్యంలో బీఆర్ఎస్ కౌన్సిలర్లు బోధన్ కు వెళ్లి ఎమ్మెల్యే సుదర్శన్ రెడ్డి సమక్షంలో కాంగ్రెస్ కండువా కప్పుకున్నారు.
కాంగ్రెస్గూటికి చేరిన కౌన్సిలర్లలో ఖాందేష్ సంగీత, వన్నెల్ దేవి లావణ్య, మేడిదాల సంగీత, ఇట్టెడి నర్సారెడ్డి, బండారి ప్రసాద్, కొనపత్రి కవిత, లిక్కి శంకర్, ఇంతియాజ్, ఆకుల రాము, వనం శేఖర్, సుంకరి ఈశ్వరి, ఆయేషా శిరిన్, పుత్లి బేగం, నజ్వీన్సుల్తాన్ అతిక్, కొంతం మంజుల ఉన్నారు. కార్యక్రమంలో డీసీసీ ప్రెసిడెంట్ మానాల మోహన్ రెడ్డి, కాంగ్రెస్ స్టేట్లీడర్గడుగు గంగాధర్, నిజాంసాగర్ డిస్ట్రిబ్యూటరీ కమిటీ మాజీ చైర్మన్ యాల్ల సాయిరెడ్డి, పుట్టింటి శ్రీనివాస్ రెడ్డి, కాంగ్రెస్ ఆర్మూర్ టౌన్ ప్రెసిడెంట్ సాయిబాబా గౌడ్, గడ్డం మారుతి రెడ్డి, బాబా ఖాన్, గిరి, కోలా వెంకటేశ్, అజ్జు, ఫయిమ్ తదితరులు ఉన్నారు.
బోధన్: బోధన్మున్సిపాలిటీకి చెందిన బీఆర్ఎస్కౌన్సిలర్ దూల్పాల్ సోమవారం ఎమ్మెల్యే పి.సుదర్శన్రెడ్డి సమక్షంలో కాంగ్రెస్కండువా కప్పుకున్నారు. దూల్పాల్ మాట్లాడుతూ.. సీఎం రేవంత్రెడ్డి చేపడుతున్న సంక్షేమ పథకాల పట్ల ఆకర్షితుడినై కాంగ్రెస్లో చేరుతున్నానన్నారు.
వర్ని: బాన్సువాడ నియోజకవర్గంలో బీఆర్ఎస్కు గట్టి షాక్ తగిలింది. రుద్రూర్మండలానికి చెందిన 200 మంది బీఆర్ఎస్ కార్యకర్తలు సోమవారం గులాబీ పార్టీని వీడి కాంగ్రెస్ గూటికి చేరుకున్నారు. రుద్రూర్ లోని శశిరేఖ ఫంక్షన్‌ హాల్‌ లో ఏర్పాటు చేసిన కార్యక్రమంలో నియోజకవర్గ కాంగ్రెస్ ఇన్చార్జి ఏనుగు రవీందర్రెడ్డి వారికి కండువాలు కప్పి పార్టీలోకి ఆహ్వానించారు. ప్రోగ్రామ్లో రుద్రూర్ మండలాధ్యక్షుడు తోట అరుణ్‌, రుద్రూర్ మాజీ సర్పంచ్‌ ఇందూరు చంద్రశేఖర్‌ తదితరులు పాల్గొన్నారు.
ALSO READ : పథకాల అమలులో ఉద్యోగుల పాత్ర కీలకం : షబ్బీర్అలీ
భిక్కనూరు: భిక్కనూరు మండలానికి చెందిన వివిధ పార్టీల లీడర్లు సోమవారం కాంగ్రెస్ పార్టీ తీర్థం పుచ్చుకున్నారు. మెదక్ జిల్లా రామాయంపేట్లో ప్రభుత్వ సలహాదారు షబ్బీర్అలీ వీరికి కండువాలు కప్పి పార్టీలోకి ఆహ్వానించారు. షబ్బీర్అలీ మాట్లాడుతూ.. కాంగ్రెస్ ప్రభుత్వం అమలు చేస్తున్న సంక్షేమ పథకాలను చూసి చాలా మంది పార్టీలో చేరుతున్నారన్నారు. అర్హులైన వారందరికీ ఆరు గ్యారంటీలు అందుతాయన్నారు. టీపీసీసీ రాష్ట్ర కార్యదర్శి బద్ధం ఇంద్రకరణ్రెడ్డి, పార్టీ మండలాధ్యక్షుడు భీమ్రెడ్డి, జిల్లా ఉపాధ్యాక్షుడు మద్ది చంద్రకాంత్రెడ్డి, ఏఐఆర్సెల్జిల్లా అధ్యక్షుడు చిట్టెడి సుధాకర్రెడ్డి తదితరులు పాల్గొన్నారు.
