భద్రాచలం, వెలుగు : ఛత్తీస్గఢ్ లోని సుక్మా జిల్లాలో మావోయిస్టుల ఆయుధాగారాన్ని గురువారం కోబ్రా బలగాలు గుర్తించి స్వాధీనం చేసుకున్నాయి. దుల్లేడు-– మెట్టగూడెం మధ్య అడవుల్లో కూంబింగ్కు వెళ్లిన బలగాలకు ఒక గుహ కనిపించింది. అందులో మావోయిస్టులు ఆయుధాలను తయారు చేస్తున్నట్లుగా గుర్తించారు. 21 ఐఈడీలతో పాటు14 బీజీఎల్ లాంచ ర్లు, భారీగా పేలుడు పదార్థాలు, మెడిసిన్, పైపులు, గ్యాస్ వెల్డింగ్ మెషీన్, జనరేటర్, హ్యాండ్ డ్రిల్మిషన్ వంటి 31 రకాల సామగ్రిని స్వాధీనం చేసుకున్నారు.
సొరంగంలోని మందుపాతర్ల నిర్వీర్యం
బీజాపూర్జిల్లా బాసగూడ పీఎస్ పరిధిలోని ఆవపల్లి- – బాస గూడ మధ్య స్టేట్ హైవేపై దుర్గా మందిర్వద్ద మావోయిస్టులు భారీ మందుపాతరను ఏర్పాటు చేశారు. రోడ్డు కింద సొరంగం తవ్వి అందులో అమర్చారు. కూంబింగ్వచ్చే బలగాల వాహనాలు టార్గెట్ గా ఏర్పాటు చేశారు. బాంబ్ స్క్వాడ్ దీన్ని గుర్తించి నిర్వీర్యం చేయడంతో పోలీసులు ఊపిరి పీల్చుకున్నారు. ఇందులో సీఆర్పీఎఫ్168 బెటాలియన్ జవాన్లు పాల్గొన్నారు.
