నందిపేట, వెలుగు : ప్రభుత్వ సబ్సిడీ రుణాలు, యంత్ర పరికరాలు సహకార సంఘాల ద్వారానే అర్హులైన లబ్ధిదారులకు అందుతున్నాయని, రైతులు సద్వనియోగం చేసుకోవాలని ఆర్మూర్ ఎమ్మెల్యే పైడి రాకేశ్రెడ్డి అన్నారు. బుధవారం మండలంలోని కుద్వాన్పూర్ గ్రామంలో నూతనంగా నిర్మించిన 500 మెట్రిక్ టన్నుల సామర్థ్యం గల గోదాంను, వన్నెల్ 'కే' గ్రామంలో డీసీసీబీ బ్యాంక్ నూతన భవనాన్ని ఎమ్మెల్యే ప్రారంభించి మాట్లాడారు. సహకార సంఘాలు, కో‌‌ఆపరేటివ్ బ్యాంకులు రైతులకు సేవలు అందించేందుకు వారధిగా ఉంటాయన్నారు. కార్యక్రమంలో మార్క్ఫైడ్ చైర్మన్ మార గంగారెడ్డి, డీసీసీబీ చైర్మన్ కుంట రమేశ్రెడ్డి, కుద్వాన్పూర్ సొసైటీ చైర్మన్ కార్తీక్రెడ్డి తదితరులు పాల్గొన్నారు.
ఎంపీడీవో కార్యాలయం ప్రారంభం..
డొంకేశ్వర్ మండల కేంద్రంలో బుధవారం నూతన ఎంపీడీవో కార్యాలయాన్ని ఆర్మూర్ ఎమ్మెల్యే పైడి రాకేశ్రెడ్డి ప్రారంభించారు. ఉమ్మడి నందిపేట మండలంలోని డొంకేశ్వర్ను కొత్త మండలం గా ఏర్పాటు చేసినప్పటికీ కార్యకలాపాలన్నీ నందిపేట ఎంపీడీవో కార్యాలయం నుంచే జరిగేవి. ఇప్పుడు డొంకేశ్వర్లో కార్యాలయం ఏర్పాటుతో మండల ప్రజలకు మెరుగైన సేవలు అందనున్నాయన్నారు. కార్యక్రమంలో ఎంపీడీవో శ్రీనివాసరావ్, బీజేపీ నాయకులు సురేందర్, రమేశ్, సురేశ్తదితరులు పాల్గొన్నారు. .
