వరంగల్ లో ఇందిరా మహిళా శక్తి సభకు భారీగా ఏర్పాట్లు చేశారు అధికారులు. ఈ సభకు దాదాపు లక్ష మంది మహిళలు హాజరుకానున్నారు. మహిళల తరలింపు కోసం 900 ప్రత్యేక ఆర్టీసీ బస్సులు ఏర్పాటు చేశారు. ప్రజా పాలన ఏడాది పూర్తవుతున్న సందర్భంగా విజయోత్సవ సంబరాలలో పాల్గొననున్నారు సీఎం రేవంత్ రెడ్డి. ప్రధాన వేదికపై 200 మంది కూర్చునేలా ఏర్పాటు చేశారు. సభలో 25వేల మంది కూర్చునేలా సీటింగ్ ఏర్పాట్లు చేశారు. సీఎం పర్యటనకు 1800 మంది పోలీసులతో బందోబస్తు ఏర్పాటు చేశారు. పలు శాఖలకు చెందిన 120 మంది అధికారులు పాల్గొననున్నారు.
రేవంత్ షెడ్యూల్
సీఎం రేవంత్ రెడ్డి హైదరాబాద్ నుంచి హెలికాప్టర్ లో బాల సముద్రంలోని కూడా గ్రౌండ్ కు నవంబర్ 19 మధ్యాహ్నం 2.30 గంటలకు చేరుకుంటారు. తర్వాత కాళోజీ క్షేత్రాన్ని ప్రారంభిస్తారు. 3.10 గంటలకు హన్మకొండ ఆర్ట్స్ అండ్ సైన్స్ కాలేజ్ గ్రౌండ్ లో నిర్వహించే విజయోత్సవ సభలో పాల్గొని మాట్లాడతారు. తర్వాత మహిళా శక్తి భవనాలు,ట్రాన్స్ జెండర్ క్లినిక్ నిర్మాణానికి శంకుస్థాపన చేస్తారు రేవంత్.
