హైదరాబాద్ నగరం మరో ప్రత్యేకమైన ఆర్ట్ ఎగ్జిబిషన్ కు వేదిక కానుంది. సెప్టెంబర్ 1న ఉదయం 11 గంటలకు మాదాపూర్ కావూరి హిల్స్ లోని స్టేట్ గ్యాలరీ ఆఫ్ ఆర్ట్ లో ఈ ఎగ్జిబిషన్ జరగనుంది. ఢిల్లీ ఆర్ట్ మాగ్నమ్ ఆధ్వర్యంలో ప్రముఖ ఆర్ట్ క్యూరియేటర్ అన్నపూర్ణ ఈ ఆర్ట్ ఎగ్జిబిషన్ ను నిర్వహించనున్నారు. ఈ ఆర్ట్ ఎగ్జిబిషన్ లో నలుగురు విభిన్న కళాకారులు ధ్రువ్ పటేల్, దుష్యంత్, రఘు, ముఖ్తార్ అహ్మద్‌లు తమ ప్రత్యేకమైన కళాఖండాలను ప్రదర్శించనున్నారు.
చిత్రకళా రంగంలో సరికొత్త కోణాన్ని కళా ప్రేమికుల ముందుకు తీసుకువస్తున్నారు. యాంత్రిక జీవనంలో జీవితాన్ని ఎలా ఆనందంగా అనుభవించాలో ప్రత్యేకంగా తమ కళాఖండాలను ప్రదర్శించనున్నారు. ప్రస్తుత ఉరుకుల, పరుగుల జీవితంలో ఒక నిమిషం ఆగి ఆ క్షణాన్ని ఆస్వాదించడమే మరిచిపోతున్న సందర్భంలో ఈ నలుగురు కళాకారుల విభిన్న ప్రదర్శన ప్రజల సరికొత్త ప్రయాణానికి నాంది పలుకుతుంది అనడంలో అతిశయోక్తి లేదు.
ఆర్టిస్ట్ రఘు తనదైన శైలితో మనకు కొత్త లోకాన్ని పరిచయం చేస్తారు. అందమైన జీవితాన్ని, ఒకరకమైన స్వచ్ఛతను చూపరులకు కళ్లకు కట్టినట్లు చూపిస్తారు. అలాగే ఆర్టిస్ట్ ముఖ్తార్ అహ్మద్ వర్షం, ధూళి కారణంగా పాడుపడ్డ భవనాల ద్వారా తన కథలు తెలియజేస్తారు. ధృవ్ పటేల్ కళ కూడా చాలా ప్రత్యేకమైనది. లంగూర్లు మానవ లక్షణాలను ప్రతిబింబిస్తాయి. వాటిని చూడగానే అందరి ముఖాల్లో చిరునవ్వు కనిపిస్తుంది.
అలాగే ఆర్టిస్ట్ దుష్యంత్ ఆర్ట్ లో ఎప్పుడూ మనకు తెలిసిన వస్తువులే కనిపిస్తాయి. వాటిని పిల్లల ఆటల్లో ఉన్నట్లు జంతువులతో జత చేస్తారు. అతని వాటర్ కలర్స్ వీక్షకులను బాగా ఆకర్షిస్తాయి. ఈ ఆర్టిస్టులు అంతా కలిసి మన చుట్టూ ఉన్న ప్రపంచాన్ని కొత్తగా పరిచయం చేస్తారు. ఈ ప్రదర్శన కేవలం కళ ప్రదర్శన మాత్రమే కాదు, అందరినీ ఒక అడుగు వెనక్కి తీసుకుని, జీవితంలో సాధారణ ఆనందాలను ఆస్వాదించేలా ప్రేరేపిస్తుంది.
ప్రారంభోత్సవ వివరాలు :
