ఓయూ, వెలుగు: అరుణోదయ సాంస్కృతిక సమాఖ్య గోల్డెన్జూబ్లీ ఉత్సవాలను ఈ నెల 14, 15 తేదీల్లో ఘనంగా నిర్వహిస్తున్నట్లు సమాఖ్య అధ్యక్షురాలు విమలక్క తెలిపారు. గురువారం ఓయూ ఇంజనీరింగ్ కాలేజీలో ప్రొఫెసర్ జయధీర్ తిరుమలరావు, భగవంతురెడ్డితో కలిసి ఉత్సవాల పోస్టర్ను ఆవిష్కరించారు. 50 ఏండ్ల కింద ఓయూ ఇంజనీరింగ్ కాలేజీలోనే అరుణోదయ సాంస్కృతిక సమాఖ్య పురుడు పోసుకుందని ఆమె తెలిపారు. అప్పటి నుంచి ఎంతోమంది కళాకారులను తయారు చేస్తూ, ప్రజల్లో చైతన్యం తెస్తున్నట్లు చెప్పారు. సుందరయ్య విజ్ఞాన కేంద్రంలో గోల్డెన్జూబ్లీ ఉత్సవాలు ఉంటాయన్నారు.
