సింగరేణి కార్మికవాడల్లో ఆర్వో ప్లాంట్లు ఏర్పాటు చేయాలె

• ఆర్కే న్యూటెక్ మైన్​ ఎన్విరాన్మెంట్​​ పబ్లిక్ ​హియరింగ్

నస్పూర్/కోల్​బెల్ట్, వెలుగు: సింగరేణి కార్మికవాడలకు శుద్ధి చేసిన తాగునీటిని సప్లై చేయడంలో సింగరేణి యాజమాన్యం నిర్లక్ష్యం చేస్తోందని స్థానికులు ఫైర్​అయ్యారు. కాలనీల్లో ఆర్వో ప్లాంట్లను ఏర్పాటు చేయాలని డిమాండ్​చేశారు. సింగరేణి ప్రభావిత గ్రామాల్లో డీఎంఎఫ్​టీ ఫండ్స్​తో మరిన్ని అభివృద్ధి కార్యక్రమాలు చేపట్టాలని, గ్రామ యువతకు ఉపాధి అవకాశాలు చూపాలని కోరారు. బుధవారం శ్రీరాంపూర్ ​సింగరేణి ఏరియాలోని ఆర్కేన్యూటెక్ ​అండర్ ​గ్రౌండ్​ కోల్​మైన్ ​ఎన్విరాన్మెంట్ పర్మిషన్(రీ వ్యాలిడేషన్)​ కోసం ప్రగతి స్టేడియంలోని సీఈఆర్​ క్లబ్​లో పబ్లిక్ ​హియరింగ్ ​చేపట్టారు. జిల్లా అడిషనల్​కలెక్టర్ ​మోతిలాల్​అధ్యక్షతన కాలుష్య నియంత్రణ మండలి(నిజామాబాద్) ఆధ్వర్యంలో పబ్లిక్​ హియరింగ్​ నిర్వహించారు. కార్మికులు, కార్మిక సంఘాలు, సింగరేణి ప్రభావిత గ్రామాల ప్రజలు, ప్రజాప్రతినిధులు, పర్యావరణ, సామాజిక వేత్తలు ప్రజాభిప్రాయసేకరణలో తమ అభిప్రాయాలను వెల్లడించారు.

ఆర్కే న్యూటెక్​ అండర్​గ్రౌండ్ మైన్ వల్ల ​తమకు ఎలాంటి ఇబ్బందులు లేవని, ఆఫీసర్లు వెంటనే ఎన్విరాన్మెంట్​పర్మిషన్లు ఇవ్వాలన్నారు. బొగ్గు గనుల్లోని పని స్థలాల్లో ఎస్డీఎల్​మెషీన్లు, ఇతర యంత్రాల నుంచి వెలువడిన లుబ్రికేట్స్, ఇతర మలినాలతో కూడిన నీటినే గనుల్లో డ్యూటీలకు వచ్చే వారికి తాగేందుకు అందిస్తున్నారని,శుద్ధి చేసిన గోదావరి నీటిని సప్లై చేయాలని కార్మికులు, కార్మిక సంఘాల లీడర్లు  డిమాండ్​ చేశారు. పబ్లిక్​ హియరింగ్​లో ఇచ్చిన హామీలను కూడా నెరవేర్చడం లేదన్నారు. ప్రజల అభిప్రాయాలను ఉన్నతాధికారులకు నివేదించనున్నట్లు కాలుష్య నియంత్రణ మండలి ఇంజనీర్​లక్ష్మణ్ ​ప్రసాద్​ తెలిపారు. శ్రీరాంపూర్​ఏరియా సింగరేణి జీఎం బి.సంజీవరెడ్డి, పర్యావరణ జీఎం జె.వి.ఎల్.గణపతి, అడిషనల్​ జీఎలు శ్రీనివాస్, రవికిరణ్, అడిషనల్ ​మేనేజర్​ భాస్కర్​రావు, శ్రీరాంపూర్​ ఏరియా ఏస్వోటు జీఎం రఘుకుమార్ తదితరులు పాల్గొన్నారు.