- వీకెండ్ కావడంతో ఖైరతాబాద్కు పోటెత్తిన భక్తులు
- మెట్రో స్టేషన్ నుంచి వినాయక విగ్రహం వరకు క్యూలు
- కిక్కిరిసిన మెట్రో రైళ్లు, ఖైరతాబాద్ స్టేషన్
- ఉదయం 5 గంటల నుంచే మొదలైన భక్తుల రాక
- ఇయ్యాల అర్ధరాత్రితో ముగియనున్న మహా గణపతి దర్శనాలు
- సెప్టెబర్ 16న భక్తులకు నో ఎంట్రీ.. ఎల్లుండి శోభాయాత్ర, మహా నిమజ్జనం
హైదరాబాద్ సిటీ, వెలుగు:వీకెండ్కావడంతో ఖైరతాబాద్ మహాగణపతి దర్శనానికి శనివారం భక్తులు పోటెత్తారు. సిటీతోపాటు తెలుగు రాష్ట్రాల నుంచి భారీగా తరలివచ్చారు. సాధారణ భక్తులతోపాటు పలువురు వీఐపీలు కలిపి దాదాపు 4 లక్షల మంది స్వామివారిని దర్శించుకున్నారు.
తెల్లవారుజాము 5 గంటల నుంచే కూలైన్లలో బారులు తీరారు. దీంతో ఖైరతాబాద్పరిసరాలన్నీ కిక్కిరిసి కనిపించాయి. ఉదయం నుంచి రాత్రి వరకు ఖైరతాబాద్మెట్రో స్టేషన్నుంచి బడా గణేశ్విగ్రహం వరకు భక్తుల క్యూలైన్లు కొనసాగాయి. ఖైరతాబాద్ మెట్రో స్టేషన్ రోజంతా కిటకిటలాడింది.
మెజారిటీ భక్తులు మెట్రో ద్వారా ఖైరతాబాద్చేరుకుంటున్నారు. విగ్రహానికి స్టేషన్ ఆనుకుని ఉండడంతో భక్తులు మెట్రోనే ప్రిఫర్చేస్తున్నారు. లక్షల్లో భక్తులు తరలిరావడంతో ఖైరతాబాద్పరిసరాల్లోని రోడ్లపై శనివారం భారీగా ట్రాఫిక్స్తంభించింది. ఉదయం 10 గంటల తర్వాత తీవ్రత పెరిగింది.
ఖైరతాబాద్ నుంచి పంజాగుట్ట, ట్యాంక్ బండ్, లక్డీకాపూల్, చింతల్ గూడ బస్తీ పరిసరాలు వాహనాలతో నిండిపోయాయి. వాహనదారులతోపాటు స్థానికులు తీవ్ర ఇబ్బందులు పడ్డారు. ఆదివారంతో బడా గణేశ్వద్ద భక్తుల దర్శనాలు ముగియనున్నాయి. ఈ సందర్భంగా భక్తులకు రుద్రాక్షలు పంపిణీ చేయనున్నారు.
సోమవారం నిమజ్జనానికి ఏర్పాట్లు చేయనున్నారు. శోభాయాత్రకు సంబంధించిన వెల్డింగ్పనులు జరగనున్నాయి. ఈ కారణంగా భక్తులకు ఎంట్రీ లేదని నిర్వాహ కులు స్పష్టం చేశారు.
