పానగల్, వెలుగు: లెప్రసీ సర్వే కోసం వెళ్లిన ఆశ కార్యకర్త గుండెపోటుతో చనిపోయింది. పానగల్ మండలం కదిరేపాడు గ్రామానికి చెందిన ఆశా కార్యకర్త పగడాల జయమ్మ(52) సర్వే చేస్తుండగా, ఛాతీలో నొప్పి వచ్చింది. ఇంటికి వెళ్లి కుటుంబసభ్యులకు ఈ విషయం చెప్పేలోగా కుప్పకూలింది.
ALSO READ : జగిత్యాలలో పోలీసుల కార్టన్సెర్చ్
ఆమెకు భర్త నారాయణ, ఇద్దరు కూతుళ్లు, ఒక కొడుకు ఉన్నారు. ఎంపీటీసీ వీరపాగ నాగమ్మ, సీఐటీయూ జిల్లా కార్యదర్శి పుట్ట ఆంజనేయులు, సీపీఎం మండల కార్యదర్శి దేవేందర్ ఆమెకు నివాళులు అర్పించారు. జయమ్మ కుటుంబాన్ని ఆదుకోవాలని డిమాండ్ చేశారు. పని భారంతో ఆశా కార్యకర్తలు మానసిక ఒత్తిడికి గురవుతున్నారని పేర్కొన్నారు. జయమ్మ కుటుంబానికి రూ.10 లక్షల ఎక్స్గ్రేషియా, కుటుంబంలో ఒకరికి ప్రభుత్వ ఉద్యోగం ఇవ్వాలని డిమాండ్ చేశారు.
