కామారెడ్డి, వెలుగు : కామారెడ్డి కలెక్టర్ గా ఆశిష్ సంగ్వాన్ ఆదివారం బాధ్యతలు చేపట్టారు. అడిషనల్ కలెక్టర్లు చంద్ర మోహన్, శ్రీనివాస్ రెడ్డి ఆయనకు పూల మొక్కలు ఇచ్చి స్వాగతం పలికారు. నిర్మల్ కలెక్టర్ గా పనిచేస్తున్న సంగ్వాన్ కామారెడ్డి కి బదలీపై వచ్చారు. ఈ సందర్భంగా ధరణి, ధాన్యం సేకరణ, డబుల్ బెడ్ రూమ్ ఇండ్ల ప్రగతిని అదనపు కలెక్టర్లను అడిగి తెలుసుకున్నారు.
ముఖ్యమంత్రి కార్యాలయం నుంచి వచ్చే ప్రజావాణి ఫిర్యాదును శ్రద్ధతో పరిశీలించి సత్వరమే పరిష్కరించాలన్నారు. అనంతరం ఆర్డీఓ రంగనాథ రావు, గిరిజన అభివృద్ధి అధికారి అంబాజీ, ఎస్సీ అభివృద్ధి అధికారి రంజిత, డీఈఓ రాజు, డీపీఆర్ఓ శాంతికుమార్, తహసీల్ధార్ జనార్దన్, కలెక్టరేట్ ఎఓ మసూర్ అహ్మద్, కలెక్టరేట్ పర్యవేక్షకులు, సిబ్బంది తదితరులు కలెక్టర్ కు బొకేలు అందించారు.
