అశోక్ గల్లా హీరోగా అర్జున్ జంధ్యాల దర్శకత్వంలో సోమినేని బాలకృష్ణ నిర్మించిన చిత్రం ‘దేవకీ నందన వాసుదేవ’. శుక్రవారం సినిమా విడుదలవుతోంది. ఈ సందర్భంగా అశోక్ గల్లా ఇలా ముచ్చటించాడు. ‘‘ప్రశాంత్ వర్మ గారు కథను అందించగా, అర్జున్ తనదైన స్టయిల్‌‌లో రూపొందించారు. సోషల్, మైథలాజీ ఎలిమెంట్స్‌‌తో ఆడియెన్స్‌‌ను కనెక్ట్ చేసేలా ఉంటుంది. నేను కృష్ణ పాత్రలో కనిపిస్తా. నా క్యారెక్టరైజేషన్ కొత్తగా ఉంటుంది. అలాగే లుక్ విషయంలో చాలా కేర్ తీసుకున్నాం. రగ్గడ్‌‌గా కనిపించడానికి కొన్ని వర్కవుట్స్ చేశా.
విజయనగరం బ్యాక్‌‌డ్రాప్‌‌లో కథ సాగుతుండటంతో స్లాంగ్‌ విషయంలోనూ గైడెన్స్ తీసుకున్నా. టైటిల్‌‌కు తగ్గట్టే -ఇందులో మదర్ క్యారెక్టర్‌‌‌‌కి చాలా ప్రాముఖ్యత ఉంటుంది. సత్యభామ పాత్రలో మానస వారణాసి ఆకట్టుకుంటుంది. అలాగే విలన్‌‌గా కంసరాజు క్యారెక్టర్‌‌‌‌లో దేవదత్తా గారు నటించారు. ఆయన ఈ రోల్‌‌కి ఒప్పుకోవడంతో సినిమా మరో స్థాయికి వెళ్లింది. సాయి మాధవ్ బుర్రా గారు రాసిన డైలాగ్స్ ఆలోచింపజేసేలా ఉంటాయి. భీమ్స్ ఇచ్చిన సాంగ్స్ ఇప్పటికే వైరల్ అవుతున్నాయి. బాలకృష్ణ గారు కథను నమ్మి ఎక్కడా రాజీపడకుండా నిర్మించారు. సినిమాపై టీమ్ అంతా కాన్ఫిడెంట్‌‌గా ఉన్నాం. పక్కా కమర్షియల్ ఎలిమెంట్స్‌‌తో పాటు డివైన్ ఫీల్‌‌ను కలిగిస్తూ ప్రేక్షకులకు కొత్త అనుభూతిని పంచేలా సినిమా ఉంటుంది. ఇక ప్రస్తుతం సితార ఎంటర్‌‌‌‌టైన్‌‌మెంట్స్ బ్యానర్స్‌‌లో ఓ యూత్‌‌ఫుల్ మూవీ చేస్తున్నా’’.
