ఆసిఫాబాద్: ‘ మీరే అసలు స్మగ్లర్లు, దొంగలు, మీ బిడ్డలు రోడ్డు, బ్రిడ్జిలు లేని ఆదివాసీ గిరిజన గ్రామాల్లో ప్రసవవేదన పడితే మీకు కష్టంతెలిసేది’ అంటూ అటవీశాఖ అధికారు లపై ఆసిఫాబాద్బీఆర్ఎస్ ఎమ్మెల్యే కోవ లక్ష్మి ఫైర్ అయ్యారు. ఇవాళ కలెక్టరేట్ లో జడ్పీ సర్వసభ్య సమావేశం జరిగింది. సమావేశానికి డీఎఫ్ఓ నీరజ్ కుమార్ కి బదులుగా కాగజ్నగర్ ఇన్ఛార్జి ఎఫ్డీఓ అప్పలకొండ హాజరయ్యారు. ఈ సందర్భంగా తన పరిధి లోని గ్రామాలకు రోడ్డు, బ్రిడ్జిలకు అనుమతులు ఇవ్వకుండా జాప్యం చేయడంపై ఫారెస్ట్ అఫీసర్లపై ఆమె తీవ్ర ఆగ్రహం వ్యక్తం చేశారు.
సమావేశం ఉందని తెలిసినప్పటికీ డీఎఫ్ఓ హాజరు కాకపోవడంతో సమస్యలు ఎవరికి చెప్పుకోవాలని ప్రశ్నించారు. డీఎఫ్ఓను సరెండర్ చేయాలని డిమాండ్ చేశారు. అలాగే ఆర్అండ్ బీ, ఇరిగేషన్ అధికారులు పనితీరుపై మండిపడ్డారు. జిల్లాలో పని చేయాలని ఉందా లేదా అంటూ అధికారులపై ఆగ్రహం వ్యక్తం చేశారు.
