ఆసిఫాబాద్, వెలుగు: రాష్ట్ర నూతన ముఖ్యమంత్రి రేవంత్ రెడ్డి ఆదేశాలతో ఆసిఫాబాద్ కలెక్టర్ బోర్కడ హేమంత్ సహదేవురావు గురువారం కెరమెరి మండలం కుమ్రం భీం పోరుగడ్డ జోడేఘాట్ను సందర్శించి అక్కడ డబుల్ బెడ్రూం ఇండ్ల పురోగతిని తెలుసుకున్నారు.
మంజూరైన ఇండ్లు, పూర్తికావాల్సిన ఇండ్లకు సంబంధించిన సమాచారాన్ని సేకరించారు. ఈ సందర్భంగా జోడేఘాట్లో విద్య, రహదారులతో పాటు ఇతర మౌలిక వసతుల అవసరాలకు సంబంధించిన నివేదిక తయారుచేసి పంపించినట్లు కలెక్టర్ తెలిపారు. ఆయన వెంట సంబంధిత శాఖల అధికారులున్నారు.
