ఆసిఫాబాద్, వెలుగు : కుమ్రంభీం ఆసిఫాబాద్ జిల్లా కలెక్టర్ హేమంత్ బోర్కడే బదిలీ అయ్యారు. ఆయనను జీహెచ్ఎంసీ అడిషనల్ కమిషనర్ గా బాధ్యతలు అప్పగించారు. కొత్త కలెక్టర్గా స్నేహ శబరీశ్ నియమితులయ్యారు. 2017 బ్యాచ్కు చెందిన ఆమె ప్రస్తుతం జీహెచ్ఎంసీ అడిషనల్ కమిషనర్గా పని చేస్తున్నారు. ఈ మేరకు చీఫ్ సెక్రటరీ శాంతి కుమారి బుధవారం ఉత్తర్వులు జారీ చేశారు.
ఆదిలాబాద్ కలెక్టర్గా రాజర్షి షా
ఆదిలాబాద్ టౌన్ : ఆదిలాబాద్ జిల్లా నూతన కలెక్టర్గా మెదక్ కలెక్టర్ రాజర్షి షాను నియమిస్తూ ప్రభుత్వం బుధవారం ఉత్తర్వులు జారీ చేసింది. ఇప్పటివరకు ఇక్కడ కలెక్టర్గా విధులు నిర్వహించిన రాహుల్ రాజ్ను మెదక్ జిల్లాకు బదిలీ చేస్తూ ఉత్తర్వులు వెలువరించింది.
