- దంపతులను మెచ్చుకుంటూ ట్వీట్ చేసిన కేటీఆర్
కాగజ్ నగర్, వెలుగు: ఆసిఫాబాద్‌ జిల్లా కాగజ్‌‌నగర్‌ మండలం భట్పల్లి గ్రామపంచాయతీలో శ్రీ విఘ్నేశ్వర గణేశ్ మండలి ఆధ్వర్యంలో ఏర్పాటు చేసిన వినాయకుడి లడ్డూను ముస్లిం దంపతులు దక్కించుకున్నారు. సోమవారం రాత్రి జరిగిన వేలంపాటలో అదే కాలనీకి చెందిన అఫ్జల్–-ముస్కాన్ దంపతులు పాల్గొని రూ.13,216 దక్కించుకున్నారు.
మతసామరస్యాన్ని చాటిన వారిని పలువురు అభినందించారు. మాజీ మంత్రి, బీఆర్ఎస్ పార్టీ వర్కింగ్ ప్రెసిడెంట్ కేటీఆర్ సైతం అఫ్జల్ దంపతులను మెచ్చుకుంటూ ట్విట్టర్లో పోస్ట్ పెట్టారు. ‘గంగా జమునా తహజీబ్’ అంటూ ప్రశంసించారు. ఇదీ తెలంగాణ సంస్కృతి అని అన్నారు.
