న్యూఢిల్లీ: ఇనీషియల్ పబ్లిక్ ఆఫర్ (ఐపీఓ) ద్వారా నిధులను సేకరించేందుకు ఆస్క్ ఆటోమోటివ్ క్యాపిటల్ మార్కెట్ల రెగ్యులేటర్ సెబీకి డాక్యుమెంట్లను అందజేసింది. ఐపీఓ పూర్తిగా ఆఫర్ ఫర్ సేల్ (ఓఎఫ్ఎస్) విధానంలో ఉంటుంది. ప్రమోటర్లు -- కుల్దీప్ సింగ్ రాఠీ, విజయ్ రాఠీ 2,95,71,390 ఈక్విటీ షేర్లను అమ్ముతారు. ప్రస్తుతం, ఆస్క్ ఆటోమోటివ్‌‌లో కుల్దీప్‌‌కు 41.33 శాతం వాటా, విజయ్కు 32.3 శాతం వాటా ఉంది. ఐపీఓ పూర్తిగా ఓఎఫ్ఎస్ అయినందున, మొత్తం ఆదాయం వాటాదారులకు వెళుతుంది.
గురుగ్రామ్‌‌కు చెందిన ఆస్క్ ఆటోమోటివ్ టూవీలర్ల కోసం బ్రేక్-షూ, అడ్వాన్స్డ్ బ్రేకింగ్ (ఏబీ) సిస్టమ్‌‌లను తయారు చేస్తుంది. దీనికి సుమారు 50 శాతం మార్కెట్ వాటా ఉంది. సేఫ్టీ సిస్టమ్స్, క్రిటికల్ ఇంజనీరింగ్ సొల్యూషన్స్ను కూడా డెవెలప్ చేస్తుంది. టీవీఎస్ మోటార్ కంపెనీ లిమిటెడ్, హీరో మోటోకార్ప్, గ్రీవ్స్ ఎలక్ట్రిక్ మొబిలిటీ, బజాజ్ ఆటోతో సహా పలు ప్రముఖ కంపెనీలు దీనికి క్లయింట్లు.
