న్యూయార్క్ టైమ్స్ విడుదల చేసిన న్యూయార్క్ టైమ్స్ ట్రావెల్ లిస్ట్ 2025లో మొత్తం 52 ప్రదేశాలు ఉండగా, భారతదేశంలోని అసోం రాష్ట్రం నాలుగో స్థానంలో నిలిచింది.
అసోంలో సందర్శించదగిన ప్రదేశాలు: అహోం రాజవంశానికి చెందిన 700 సంవత్సరాల పురాతన శ్మశాన వాటిక చరైడియో మొయిడామ్స్ యునెస్కో ప్రపంచ వారసత్వ జాబితాలో ఉన్నది. వాటిని పిరమిడ్స్ ఆఫ్ అసోం అని కూడా పిలుస్తారు. 51 శక్తి పీఠాల్లో ఒకటైన కామాఖ్య ఆలయం ప్రసిద్ధి చెందింది. గౌహతిలో ఉన్న ఈ ఆలయంలో అమ్మవారి విగ్రహానికి బదులుగా స్త్రీ జననేంద్రియ ఆకారంలో ఉన్న సహజ రాయిని పూజిస్తారు. ఒక కొమ్ము ఖడ్గమృగాలకు నిలయమైన కజిరంగా నేషనల్ పార్క్, ప్రపంచ ప్రఖ్యాత తేయాకు తోటలను సందర్శించాల్సిందే. ఇక్కడి టీ మంచి రుచిని కలిగి ఉంటుంది.
సందర్శించదగిన 52 ప్రదేశాల్లో కొన్ని: జేన్ ఆస్టెన్ (ఇంగ్లండ్), గాలాపాగోస్ దీవులు(ఈక్వెడార్), న్యూయార్క్ సిటీ మ్యూజియం(యూఎస్ఏ), అసోం(భారతదేశం), వైట్ లోటస్(థాయిలాండ్) గ్రీన్ లాండ్, ఐక్స్ ఎన్ ప్రోవెన్స్(ఫ్రాన్స్) సన్ వ్యాలీ, ఇడాహో (అమెరికా), లుంబిని(నేపాల్), సిడ్నీ (ఆస్ట్రేలియా).
